కకమిగహరా (జపాన్), నవంబర్ 4: ఆసియా కప్ మహిళల హాకీ టోర్నమెంట్‌లో టైటిల్ కోసం భారత జట్టు ఆదివారం ఇక్కడ మాజీ చాంపియన్ చైనాతో తలపడనుంది. ఈ మ్యాచ్‌లో ప్రత్యర్థులను ఓడించి ప్రపంచ కప్ టోర్నమెంట్‌కు బెర్తును ఖరారు చేసుకోవడమే లక్ష్యంగా భారత జట్టు బరిలోకి దిగనుంది.

రాజ్‌కోట్, నవంబర్ 3: న్యూజిలాండ్‌తో స్వదేశంలో మూడు మ్యాచ్‌ల ట్వంటీ-20 క్రికెట్ సిరీస్‌లో భాగంగా శనివారం ఇక్కడి ఎస్‌సిఎ (సౌరాష్ట్ర క్రికెట్ స్టేడియంలో) జరుగనున్న రెండో మ్యాచ్‌కి టీమిండియా పూర్తి స్థాయిలో సిద్ధమైంది. ఈ సిరీస్‌లో ఇంతకుముందు న్యూఢిల్లీలో జరిగిన తొలి మ్యాచ్‌లో భారత జట్టు 53 పరుగుల తేడాతో కివీస్‌ను మట్టికరిపించిన విషయం విదితమే.

పారిస్, నవంబర్ 3: పారిస్ మాస్టర్స్ టెన్నిస్ టోర్నమెంట్‌లో ‘స్పెయిన్ బుల్’ రాఫెల్ నాదల్ క్వార్టర్ ఫైనల్స్‌కు దూసుకెళ్లాడు. ప్రపంచ ర్యాంకింగ్స్‌లో వరుసగా నాలుగో ఏడాది టాప్ అగ్రస్థానాన్ని కైవసం చేసుకున్న నాదల్ ప్రీక్వార్టర్ ఫైనల్ పోరులో ఉరుగ్వేకి చెందిన పాబ్లో కువాస్‌ను ఓడించాడు. అయితే ఈ మ్యాచ్‌లో విజయం కోసం నాదల్ తీవ్రంగా శ్రమించాల్సి వచ్చింది.

న్యూఢిల్లీ, నవంబర్ 2: గుంటూరుకు చెందిన భారత బాడ్మింటన్ స్టార్ కిడాంబి శ్రీకాంత్ ప్రపంచ ర్యాంకింగ్స్‌లో ఆరు స్థానాలను మెరుగు పరచుకొని ఏకంగా రెండో స్థానానికి దూసుకెళ్లాడు. అంతర్జాతీయ బాడ్మింటన్ సమాఖ్య (బిఎఐ) ప్రకటించిన తాజా ర్యాంకింగ్స్‌లో అతను మొత్తం 73,403 పాయింట్లతో ద్వితీయ స్థానాన్ని ఆక్రమించాడు.