న్యూఢిల్లీ, మార్చి 1: ఇంటర్నేషనల్ షూటింగ్ స్పోర్ట్స్ ఫెడరేషన్ (ఐఎస్‌ఎస్‌ఎఫ్) ఆధ్వర్యాన న్యూఢిల్లీలో జరుగుతున్న ప్రపంచ కప్ టోర్నమెంట్ పురుషుల 50 మీటర్ల పిస్తోల్ ఈవెంట్‌లో భారత షూటర్ జీతూ రాయ్ మరోసారి అద్భుతంగా విజృంభించి పసిడి పతకంతో సత్తా చాటుకున్నాడు. ఈ టోర్నీలో భారత్‌కు ఇదే తొలి పసిడి పతకం.

హామిల్టన్, మార్చి 1: దక్షిణాఫ్రికాతో స్వదేశంలో ఐదు వనే్డల అంతర్జాతీయ క్రికెట్ సిరీస్‌లో భాగంగా బుధవారం హామిల్టన్‌లోని సెడాన్ పార్కులో జరిగిన నాలుగో మ్యాచ్‌లో ఆతిథ్య న్యూజిలాండ్ జట్టు ఓపెనర్ మార్టిన్ గుప్టిల్ అజేయంగా 180 పరుగుల రికార్డు స్థాయి వ్యక్తిగత స్కోరుతో రెచ్చిపోయాడు. దీంతో న్యూజిలాండ్ జట్టు 7 వికెట్ల తేడాతో దక్షిణాఫ్రికాను మట్టికరిపించి 2-2తో సిరీస్‌ను సమం చేసింది.

మల్హెయిమ్ ఆండెర్ రర్ (జర్మనీ), మార్చి 1: జర్మన్ ఓపెన్ గ్రాండ్‌ప్రీ గోల్డ్ బాడ్మింటన్ టోర్నమెంట్‌లో భారత టాప్ షట్లర్ కిదాంబి శ్రీకాంత్ తన పోరాటాన్ని అద్భుత రీతిలో ప్రారంభించాడు. పురుషుల సింగిల్స్ తొలి రౌండ్‌లో అతను వరుస గేముల తేడాతో స్లొవేకియాకు చెందిన అలెన్ రోజ్‌ను మట్టికరిపించి శుభారంభాన్ని సాధించాడు.

న్యూఢిల్లీ, ఫిబ్రవరి 28: లోధా కమిటీ సిఫారసులపై అంగీకార నివేదిక సమర్పించేందుకు నిర్ధేశించిన గడువును మార్చి 27వ తేదీ వరకు పొడిగించాలని వివిధ రాష్ట్రాల క్రికెట్ సంఘాలు భారత క్రికెట్ కంట్రోల్ బోర్డు (బిసిసిఐ) పాలక కమిటీ (సిఓఎ)కి విజ్ఞప్తి చేశాయి.