పుణె, ఫిబ్రవరి 27: స్పిన్‌తో ఆస్ట్రేలియాను దెబ్బతీయాలన్న ఉద్దేశంతో, పిచ్‌ను అందుకు అనుకూలంగా రూపొందించడం ద్వారా టీమిండియా పన్నిన వ్యూహం బెడిసికొట్టిందా? స్పిన్ ట్రాక్‌ను ఆస్ట్రేలియా స్పిన్నర్లు గొప్పగా ఉపయోగించుకుంటారని భారత జట్టు మేనేజ్‌మెంట్ ఊహించలేదా? స్పిన్‌తో ఆసీస్‌ను పడగొట్టాలనుకొని, అదే స్పిన్ ధాటికి ఉక్కిరిబిక్కిరై ఓటమిని కొనితెచ్చుకుందా?

న్యూఢిల్లీ, ఫిబ్రవరి 27: అసాధారణ ప్రతిభావంతులుగా పేరు సంపాదించినప్పటికీ, టీమిండియాకు ప్రాతినిథ్యం వహించే అవకాశాన్ని దక్కించుకోలేకపోయిన స్పిన్నర్లు రాజీందర్ గోయల్, పద్మాకర్ శివాల్కర్‌ను బిసిసిఐ ఎట్టకేలకు గుర్తించింది. వీరిద్దరికీ లైఫ్‌టైమ్ అచీవ్‌మెంట్ కింద సికె నాయుడు పురస్కారాన్ని అందించనున్నట్టు ప్రకటించింది. మార్చి ఎనిమిదిన బెంగళూరులో జరిగే కార్యక్రమంలో వీరికి అవార్డును ప్రదానం చేస్తారు.

మాడ్రిడ్, ఫిబ్రవరి 27: స్పానిష్ సాకర్ లీగ్ లా లిగా పోటీల్లో భాగంగా అట్లెటికో మాడ్రిత్‌తో తలపడిన బార్సిలోనా 2-1 గోల్స్ తేడాతో విజయం సాధించింది. సూపర్ స్టార్ లియోనెల్ మెస్సీ కీలక గోల్‌తో బార్సిలోనాను గెలిపించాడు. మ్యాచ్ ఆరంభం నుంచే ఇరు జట్లు పూర్తి రక్షణాత్మక వ్యూహాన్ని అమలు చేయడంతో ప్రథమార్ధంలో గోల్స్ నమోదు కాలేదు. ద్వితీయార్ధంలోనూ కొంత సేపు అదే పరిస్థితి కొనసాగింది.

చండీగఢ్‌లో ఆదివారం జరిగిన హాకీ ఇండియా లీగ్ (హెచ్‌ఐఎల్) ఫైనల్‌లో దబాంగ్ ముంబయని ఓడించి, మొట్టమొదటిసారి టైటిల్ సాధించిన కళింగ లాన్సర్స్ జట్టు. తుది పోరులో కెప్టెన్ మోర్టిచ్ ఫర్ట్‌సే రెండు గోల్స్ చేసి కళింగ విజయంలో కీలక పాత్ర పోషించాడు. కాగా, కాంస్య పతకం కోసం జరిగిన పోరులో ఉత్తర ప్రదేశ్ విజార్డ్స్ జట్టు 5-4 తేడాతో ఢిల్లీ వేవ్ రైడర్స్‌పై విజయం సాధించింది.