న్యూఢిల్లీ: సుప్రీం కోర్టు శుక్రవారం ఇచ్చిన వివరణతో బిసిసిఐ సంయుక్త కార్యదర్శి అమితాబ్ చౌదరీ, కోశాధికారి అనిరుద్థ్ చౌదరీ ఊరట చెందారు. వీరిద్దరూ బిసిసిఐలో తొమ్మిది సంవత్సరాలు పదవిలో లేని కారణంగా మళ్లీ తమతమ హోదాలను నిలబెట్టుకోనున్నారు. కాగా, ప్రస్తుతం బోర్డులో ఉన్న ఉపాధ్యక్షుల్లో ఎక్కువ సీనియారిటీ ఉన్న సికె ఖన్నాను అధ్యక్ష పదవి వరిస్తుంది.

మెల్బోర్న్, జనవరి 20: డిఫెండింగ్ చాంపియన్ నొవాక్ జొకోవిచ్ అనూహ్యంగా రెండో రౌండ్‌లోనే నిష్క్రమించగా, ఈసారి ఆస్ట్రేలియా ఓపెన్ పురుషుల సింగిల్స్ టైటిల్‌ను గెల్చుకునే అవకాశాలను మెరుగుపరచుకున్న ప్రపంచ నంబర్ వన్ ఆండీ ముర్రే తన లక్ష్యం దిశగా మరో అడుగు ముందుకేశాడు. మూడో రౌండ్‌లో అతను ‘జెయింట్ కిల్లర్’ శామ్ క్వెర్రీని 6-4, 6-2, 6-4 తేడాతో ఓడించి, ప్రీ క్వార్టర్స్‌లోకి అడుగుపెట్టాడు.

న్యూఢిల్లీ, జనవరి 20: భారత్, ఇంగ్లాండ్ అండర్-19 జట్ల మధ్య జరిగే రెండు టెస్టులకు నాగపూర్ వేదిక కానుంది. వాస్తవానికి ఈ రెండు టెస్టులు చెన్నైలో జరగాలి. అయితే, లోధా కమిటీ సూచనలను అమలు చేసి తీరాల్సిందేనని భారత క్రికెట్ నియంత్రణ బోర్డు (బిసిసిఐ)కు సుప్రీం కోర్టు ఆదేశాలు జారీ చేసిన తర్వాత తమిళనాడు క్రికెట్ సంఘం (టిఎన్‌సిఎ) పరోక్షంగా సహాయ నిరాకరణను ఆరంభించింది.

కటక్, జనవరి 20: భారత్ చేతిలో వనే్డ సిరీస్‌ను ఇప్పటికే 0-2 తేడాతో చేజార్చుకున్న ఇంగ్లాండ్ జట్టుకు చివరిదైన మూడో వనే్డకు ముందే ఎదురుదెబ్బ తగిలింది. ఓపెనర్ అలెక్స్ హాలెస్ చేతి వేలి గాయం కారణంగా స్వదేశానికి వెళ్లడం ఆ జట్టును సమస్యల్లోకి నెట్టింది. రెండో వనే్డ జరుగుతున్నప్పుడు హాలెస్ చేతి వేలికి గాయమైంది.