ముంబయి, జనవరి 10: విరాట్ కోహ్లీ సేనతో పరిమిత ఓవర్ల అంతర్జాతీయ క్రికెట్ సిరీస్‌లో తలపడటానికి ముందు మంగళవారం ఇక్కడి బ్రాబోర్న్ స్టేడియంలో ఇండియా-ఏ జట్టుతో జరిగిన తొలి సన్నాహక వనే్డ మ్యాచ్‌లో ఇంగ్లాండ్ ఎలెవెన్ జట్టు 3 వికెట్ల తేడాతో విజయం సాధించింది.

హైదరాబాద్/ఉప్పల్, జనవరి 10: టీమిండియా మాజీ కెప్టెన్ మహమ్మద్ అజరుద్దీన్ హైదరాబాద్ క్రికెట్ అసోసియేషన్ (హెచ్‌సిఎ) ఎన్నికల రేసులోకి దిగాడు. అధ్యక్ష పదవి కోసం మంగళవారం ఆయన నామినేషన్ దాఖలు చేశాడు. ఈ ఎన్నికలకు నామినేషన్ల దాఖలు పర్వం మంగళవారం నాటితో ముగిసింది. ఈ ఎన్నికల్లో అన్ని పదవులకూ కలిపి మొత్తం 59 నామినేషన్లు దాఖలయ్యాయని రిటర్నింగ్ అధికారి రాజీవ్‌రెడ్డి తెలిపారు.

న్యూఢిల్లీ, జనవరి 10: భారత ఒలింపిక్ సంఘం (ఐఓఏ) గౌరవాధ్యక్షులుగా సురేశ్ కల్మాడి, అభయ్ చౌతాలా నియామకాలను రద్దు చేసుకుంటున్నట్లు ఐఓఏ ప్రకటించింది. ఈ ఇద్దరికీ ఐఓఏ పదవులు కట్టబెట్టడంపై పెద్ద ఎత్తున దుమారం చెలరేగడం తెలిసిందే. ఈ నియమాకాలు రద్దు చేసుకోకపోతే ఐఓఏ గుర్తింపు రద్దు చేస్తామని క్రీడల మంత్రిత్వ శాఖ హెచ్చరిస్తూ షోకాజ్ నోటీసు కూడా పంపించింది.

న్యూఢిల్లీ, జనవరి 9: బంగ్లాదేశ్‌తో ఫిబ్రవరి 13 నుంచి ప్రారంభమయ్యే టెస్టు మ్యాచ్ ముందుగా అనుకున్న విధంగా భాగ్యనగంలోనే జరుగుతుందని హైదరాబాద్ క్రికెట్ సంఘం (హెచ్‌సిఎ) కార్యదర్శి జాన్ మనోజ్ స్పష్టం చేశాడు. హైదరాబాద్‌లో టెస్టు ఉండకపోవచ్చని వచ్చిన వార్తలను సోమవారం విడుదల చేసిన ఒక ప్రకటనలో అతను ఖండించాడు. ఇలాంటి అవాస్తవాలను ఎవరు ప్రచారం చేస్తున్నారో తమకు అర్థం కావడం లేదని అన్నాడు.