బెంగళూరు, ఆగస్టు 23: రియో ఒలింపిక్స్‌లో పాల్గొని స్వదేశానికి తిరిగి వచ్చిన మహిళల స్టీపుల్‌చేజ్ అథ్లెట్ సుధా సింగ్ జ్వరంతో ఇక్కడి ఒక ప్రైవేటు ఆసుపత్రిలో చేరింది. ఆమె స్వైన్ ఫ్లూతో బాధపడుతున్నదని పరీక్షల అనంతరం వైద్యులు ప్రకటించారు. రియో నుంచి రావడంతో జికా వైరస్ సోకిందన్న అనుమానంతో వైద్య పరీక్షలను నిర్వహించారు. బ్రెజిల్‌లో ప్రాణాంతకమైన జికా వైరస్ విస్తృతంగా వ్యాపిస్తున్న విషయం తెలిసిందే.

విజయవాడ (స్పోర్ట్స్), ఆగస్టు 23: భారతదేశంలో ఒలింపిక్స్ జరగాలని ఈ మెగా ఈవెంట్‌ను నిర్వహించేందుకు కేంద్రంలో బిడ్స్ వేయాలని ఆంధ్రప్రదేశ్ ముఖ్యమంత్రి చంద్రబాబు అభిప్రాయపడ్డారు. ఇండియాలో ఒలింపిక్స్ జరగటం ద్వారా క్రీడాకారులు స్ఫూర్తి పొందుతారని అన్నారు. ఇతర దేశాల కంటే బాగా ఆడేవారు మన దగ్గర చాలా మంది వున్నారని చెప్పారు.

న్యూఢిల్లీ, ఆగస్టు 22: ఒలింపిక్స్‌లో భారత్‌కు రజత పతకాన్ని సాధించి దేశానికే ఖ్యాతితెచ్చిన పివి సింధు విజయోత్సాహంలో ప్రతి ఒక్కరూ తలమునకలైన సమయంలో తెలంగాణ ఉప ముఖ్యమంత్రి మొహమ్మద్ మహ్మూద్ అలీ ఓ దిగ్భ్రాంతికర ప్రకటన చేశారు. సింధూకు శిక్షణ ఇచ్చిన పుల్లెల గోపీచంద్‌పైనా ప్రశంసల వెల్లువెత్తుతున్న తరుణంలోనే తెలంగాణ ఉప ముఖ్యమంత్రి చేసిన వ్యాఖ్యలు చర్చనీయాంశంగా మారాయి.

హైదరాబాద్, ఆగస్టు 22: ఒలింపిక్స్‌లో పతకం సాధించాలన్న తన చిరకాల స్వప్నం సాకారమైందని రియోలో రజత పతకాన్ని కైవసం చేసుకొని, సోమవారం హైదరాబాద్‌కు చేరుకున్న బాడ్మింటన్ స్టార్ పివి సింధు అన్నది. గోపీచంద్ అకాడెమీలో ఏర్పాటు చేసిన విలేఖరుల సమావేశంలో ఆమె మాట్లాడుతూ ఒలింపిక్స్‌కు వెళ్లడం, పతకం సాధించడం తనకు చాలాకాలంగా ఉన్న లక్ష్యాలని చెప్పింది. రియోలో తన కల నెరవేరిందని చెప్పింది.