పారిస్, మే 25: ఆరో ర్యాంక్ క్రీడాకారిణి సిమోనా హాలెప్ ఇక్కడ జరుగుతున్న ఫ్రెంచ్ ఓపెన్ గ్రాండ్ శ్లామ్ టెన్నిస్ టోర్నమెంట్ మహిళల సింగిల్స్‌లో మూడో రౌండ్‌కు దూసుకెళ్లింది. బుధవారం జరిగిన రెండో రౌండ్ మ్యాచ్‌లో ఆమె జరినా దియాస్‌ను 7-6, 6-2 తేడాతో ఓడించింది. మొదటి సెట్‌లో గట్టిపోటీనిచ్చిన దియాస్ రెండో రౌండ్‌లో దారుణంగా విఫలమై, ఓటమిపాలైంది.

కరాచీ, మే 25: ఇండియన్ ప్రీమియర్ లీగ్ (ఐపిఎల్)లో పాకిస్తాన్ క్రికెటర్లకు కూడా అవకాశం కల్పించాలని అంతర్జాతీయ క్రికెట్ మండలి (ఐసిసి) అధ్యక్షుడిగా వ్యవహరిస్తున్న జహీర్ అబ్బాస్ భారత క్రికెట్ నియంత్రణ బోర్డు (బిసిసిఐ)కి సూచించాడు. ఈ విధంగా చేస్తే టోర్నీ ప్రాధాన్యం, ప్రమాణాలు మరింతగా పెరుగుతాయని వ్యాఖ్యానించాడు.

బెంగళూరు, మే 24: ఇండియన్ ప్రీమియర్ లీగ్ (ఐపిఎల్)లో ట్వంటీ-20 క్రికెట్ టోర్నమెంట్‌లో టైటిల్ సాధించాలన్న చిరకాల స్వప్నాన్ని సాకారం చేసుకునేందుకు రాయల్ చాలెంజర్స్ బెంగళూరు మరో అడుగు దూరంలో నిలిచింది. బెంగళూరులోని సొంత మైదానం చిన్నస్వామి స్టేడియంలో బుధవారం జరిగిన తొలి క్వాలిఫయర్‌లో ఆ జట్టు 4 వికెట్ల తేడాతో టేబుల్ టాపర్ గుజరాత్ లయన్స్‌ను ఓడించి ఫైనల్‌కు దూసుకెళ్లింది.

పారిస్, మే 24: ఫ్రెంచ్ ఓపెన్ గ్రాండ్‌శ్లామ్ టెన్నిస్ టోర్నమెంట్‌లో జర్మనీకి చెందిన మూడో సీడ్ క్రీడాకారిణి ఏంజెలిక్ కెర్బర్‌కు ఆదిలోనే చుక్కెదురైంది. ఆస్ట్రేలియా ఓపెన్‌లో చాంపియన్‌షిప్ సాధించిన కెర్బర్‌పై బుధవారం ఇక్కడ జరిగిన మహిళల సింగిల్స్ తొలి రౌండ్ మ్యాచ్‌లో అన్‌సీడెడ్ డచ్ క్రీడాకారిణి కికీ బెర్టెన్స్ (ప్రపంచ ర్యాంకింగ్స్‌లో 58వ స్థానం) సంచలన విజయం సాధించింది.