మాంచెస్టర్, మే 19: ఏ క్రీడలోనైనా సహజంగా ఆటగాళ్లు పేరుప్రఖ్యాతులు ఆర్జిస్తారే తప్ప వారిని అత్యుత్తమ క్రీడాకారులుగా తీర్చిదిద్దే కోచ్‌ల గురించి పట్టించుకోరు. ప్రత్యేకించి సాకర్ వంటి క్రీడలో కోచ్‌లు కీలక పాత్ర పోషిస్తున్నా, వారు ఎప్పటికీ తెరవెనుకే ఉండిపోతారు. కానీ, మాంచెస్టర్ యునైటెడ్ కోచ్ లూయిస్ వాన్ గాల్ మాత్రం ఇందుకు విరుద్ధం. ఆటగాళ్లను మించిన క్రేజీని సంపాదించుకున్నాడు.

అస్టానా (కజకస్థాన్), మే 19: ఇక్కడ జరుగుతున్న ప్రపంచ మహిళల బాక్సింగ్ చాంపియన్‌షిప్‌లో భారత స్టార్ మేరీ కోమ్ రెండో రౌండ్‌లోకి అడుగుపెట్టింది. 51 కిలోల విభాగంలో బరిలోకి దిగిన ఆమె 3-0 తేడాతో స్వీడన్‌కు చెందిన జూలియానా సొడెర్‌స్ట్రామ్‌పై గెలిచింది. తర్వాతి రౌండ్‌లో ఆమె జర్మనీ బాక్సర్ అజీజె నిమానీతో తలపడుతుంది.

విశాఖపట్నం (స్పోర్ట్స్), మే 18: ఢిల్లీ డేర్‌డెవిల్స్ పేసర్ నాథన్ కౌల్టర్ నైల్ వేసిన బంతి ధాటికి హెల్మెట్ ఎగిరి పడినప్పటికీ గాయం కాకుండా తప్పించుకోవడం తన అదృష్టమని రైజింగ్ పుణె సూపర్‌జెయింట్స్ బ్యాట్స్‌మన్ జార్జి బెయిలీ వ్యాఖ్యానించాడు. అది భయానకమైన బౌన్సరనీ, ఒక ట్రక్కు వేగంగా వచ్చి గుద్దుకున్నట్టు అనిపించిందని ఆ సంఘటనను గుర్తుచేసుకుంటూ చెప్పాడు.

కున్హాన్ (చైనా), మే 18: ఉబెర్ కప్ మహిళల టీం చాంపియన్‌షిప్ బాడ్మింటన్ టోర్నీలో భారత జట్టు క్వార్టర్ ఫైనల్స్ చేరగా, పురుషుల విభాగంలో థామస్ కప్ కోసం జరుగుతున్న పోరులో భారత్ వరుసగా మూడో పరాజయాన్ని చవిచూసి నిష్క్రమించింది. బుధవారం నాటి పోటీల్లో భారత మహిళల జట్టు కూడా ఓటమిపాలైంది. అయితే, అంతకు ముందు వరుసగా రెండు విజయాలను సాధించడంతో క్వార్టర్స్‌లోకి అడుగుపెట్టింది.