రాంచీ, ఫిబ్రవరి 12: శ్రీలంక యువ జట్టుతో మూడు మ్యాచ్‌ల అంతర్జాతీయ ట్వంటీ-20 సిరీస్‌లో భాగంగా ఇంతకుముందు పుణే జరిగిన తొలి మ్యాచ్‌లో ఘోర పరాజయాన్ని ఎదుర్కొన్న భారత జట్టు రెండో మ్యాచ్‌లో జూలు విదిల్చి ఘీంకరించింది. కెప్టెన్ మహేంద్ర సింగ్ ధోనీ సొంత గడ్డ రాంచీలో శుక్రవారం జరిగిన ఈ మ్యాచ్‌లో భారత జట్టు 69 పరుగుల తేడాతో శ్రీలంకను మట్టికరిపించి ప్రతీకారం తీర్చుకుంది.

ముంబయి, ఫిబ్రవరి 12: హాకీ ఇండియా లీగ్ (హెచ్‌ఐఎల్) టోర్నమెంట్‌లో పంజాబ్ వారియర్స్ జట్టు అగ్రస్థానానికి దూసుకెళ్లింది. శుక్రవారం జరిగిన పోరులో ఆ జట్టు 5-1 గోల్స్ తేడాతో దబాంగ్ ముంబయి జట్టును సొంత మైదానంలో మట్టికరిపించింది.

గౌహతి, ఫిబ్రవరి 12: దక్షిణాసియా క్రీడల్లో భారత్ బంగారు పతకాల పంట కొనసాగుతోంది. శుక్రవారం ఏడో రోజు కూడా అథ్లెటిక్స్, షూటింగ్‌విభాగాల్లో మన దేశానికి చెందిన క్రీడాకారులు అద్భుతమైన ప్రతిభ కనబరచడంతో పతకాల పట్టికలో అగ్రస్థానంలో నిలవడమే కాక ప్రత్యర్థులకు అందనంత దూరంలో ఉంది.

గౌహతి: దక్షిణ ఆసియా గేమ్స్ (శాగ్)లో భారత్ ఆధిపత్యం కొనసాగుతున్నది. గురువారం పోటీలు ముగిసే సమయానికి భారత్ 136 స్వర్ణం, 77 రజతం, 20 కాంస్యాలతో మొత్తం 233 పతకాలను కైవసం చేసుకొని తనకు తిరుగులేదని నిరూపించుకుంది. శ్రీలంక 146 (24 స్వర్ణం, 48 రజతం, 74 కాంస్యం) పతకాలతో రెండో స్థానంలో నిలవగా, పాకిస్తాన్ 7 స్వర్ణం, 22 రజతం, 41 కాంస్యాలతో మొత్తం 70 పతకాలను సంపాదించి తృతీయ స్థానంలో కొనసాగుతున్నది.