ఢాకా-అండర్-19 ప్రపంచకప్ క్రికెట్ పోటీల ఫైనల్‌లో భారత్‌తో వెస్టిండీస్ జట్టు తలపడనుంది. ఈనెల 14న ఫైనల్ మ్యాచ్ జరుగనుంది. ఇవాళ జరిగిన రెండో సెమీఫైనల్‌లో బంగ్లాదేశ్‌తో తలపడిన వెస్టిండీస్ విజయం సాధించి ఫైనల్‌కు దూసుకెళ్లింది. ఢాకాలో గురువారం ఆతిథ్య జట్టు బంగ్లాదేశ్ మొదట బ్యాటింగ్ చేసింది. 226 పరుగులకు ఆలౌట్‌కాగా వెస్టిండీస్ జట్టు 48.4 ఓవర్లలో ఏడువికెట్లు కోల్పోయి విజయం సాధించింది.

న్యూఢిల్లీ: భారత్‌లో జరిగే క్రీడా పోటీల్లో పాల్గొనే విషయమై ఏ దేశమూ భయాందోళన చెందాల్సిన అవసరం లేదని బిసిసిఐ కార్యదర్శి అనురాగ్ ఠాకూర్ ఉద్ఘాటించారు.

కరాచీ: కళంకిత ఫాస్ట్ బౌలర్ మహమ్మద్ అమీర్‌ను మళ్లీ అంతర్జాతీయ క్రికెట్‌లో కలగలిపేందుకు నానా తంటాలు పడుతున్న పాకిస్తాన్ సెలెక్టర్లు అతడికి త్వరలో జరుగనున్న ఆసియా కప్, ప్రపంచ కప్ ట్వంటీ-20 టోర్నమెంట్లలో తలపడే తమ జట్టులో చోటు కల్పించారు. అయితే అనుభవజ్ఞుడైన ఓపెనర్ అహ్మద్ షెహజాద్‌తో పాటు సీనియర్ బౌలర్ ఉమర్ గుల్‌కు ఈ జట్టులో స్థానమివ్వకుండా పాక్ సెలెక్టర్లు అందరినీ ఆశ్చర్యానికి గురిచేశారు.

గౌహతి: ఇక్కడ జరుగుతున్న దక్షిణాసియా క్రీడోత్సవాల్లో(శాగ్) వరసగా నాలుగో రోజు కూడా భారత్ క్రీడాకారులు బంగారు పంట పండించారు. మంగళవారం స్విమ్మింగ్, ఆర్చరీ, ట్రాక్ అండ్ ఫీల్డ్ విభాగాల్లో ప్రకటించిన బంగారు పతకాల్లో దాదాపుగా అన్ని పతకాలను భారత క్రీడాకారులే దక్కించుకొని పతకాల పట్టికలో తిరుగులేని ఆధిక్యతతో అగ్రస్థానంలో నిలిచారు. దీంతో భారత్‌కు లభించిన మొత్తం పతకాల సంఖ్య 119కి చేరుకుంది.