తిరుపతి, మార్చి 21: కరోనా వైరస్ నేపథ్యంలో తిరుమలలో భక్తులను స్వామి దర్శనానికి అనుమతించకపోయినా శ్రీవారి కైంకర్యాలు వైఖానస ఆగమోక్తంగా యధాతథంగా నిర్వహిస్తున్నామని ఆలయ ప్రధాన అర్చకులు వేణుగోపాల దీక్షితులు స్పష్టం చేశారు. శనివారం ఆయన విలేఖర్లతో మాట్లాడుతూ వైఖానస సభ గోశాస్త్ర ప్రకారం తిరుమల పుణ్యక్షేత్రంలో స్వామివారికి అనేక వేల సంవత్సరాల నుంచి ఆరాధనలు జరుగుతున్నాయన్నారు.

హైదరాబాద్: ఏపీ ఎన్నికల అధికారి నిమ్మగడ్డ రమేష్‌కుమార్‌కు రక్షణ కల్పిస్తామని కేంద్ర హోంశాఖ సహాయ మంత్రి కిషన్‌రెడ్డి తెలిపారు. ఆయన మీడియాతో మాట్లాడుతూ పనిచేసే కేంద్ర అధికారులను బెదిరించటం సరికాదని అన్నారు. ఆయన తనకు భద్రత కల్పించాల్సిందిగా కేంద్ర హోంశాఖ రాసిన లేఖ అందిందని అన్నారు. విధి నిర్వహణలో ఉన్న ప్రభుత్వ ఉద్యోగిని భయపెట్టడం మంచి పద్ధతి కాదని అన్నారు.

హైదరాబాద్, మార్చి 19: వాన్‌పిక్ వ్యవహారంలో అరెస్టై సెర్బియా జైలులో ఉన్న ప్రముఖ పారిశ్రామికవేత్త నిమ్మగడ్డ ప్రసాద్ విడుదలై గురువారం నాడు హైదరాబాద్ చేరుకున్నారు. అయితే కరోనా నేపథ్యంలో శంషాబాద్ విమానాశ్రయ అధికారులు ఆయనను క్వారంటైన్‌కు తరలించారు. వాన్‌పిక్ వ్యవహారంలో జైలుకు వెళ్లిన నిమ్మగడ్డ ప్రసాద్ అరెస్టు చెల్లదంటూ సెర్బియా సుప్రీంకోర్టు తీర్పు చెప్పడంతో ఆయన విడుదలై హైదరాబాద్‌కు వచ్చారు.

హైదరాబాద్: కరోనా భయంతో పలు ఆలయాల్లో ఆర్జిత సేవలను రద్దు చేశారు. ప్రపంచ ప్రఖ్యాతగాంచిన తిరుమల పైకి వచ్చే ఘాట్ రోడ్డులను మూసివేశారు. దిగువకు వచ్చే ఘాట్ రోడ్లు మాత్రమే పనిచేస్తున్నాయి. అలిపిరి గరుడ సర్కిల్ నుంచి వచ్చే భక్తులను వెనక్కి పంపుతున్నారు. కొండపై నుంచి వాహనాలన్నీ దిగువకు వచ్చాక ఘాట్ రోడ్డును అధికారులు మూసివేయనున్నారు. అలాగే ఏపీలో మరొక పుణ్యక్షేత్రమైన అన్నవరంలోవ్రతాలను నిలిపివేశారు.