హైదరాబాద్, సెప్టెంబర్ 7: కొత్త సచివాలయ నిర్మాణం రాజకీయ దుమారం రేపుతోంది. ప్రస్తుత సచివాలయాన్ని అన్ని వసతులతో బైసన్ గ్రౌండ్స్‌కు తరలించేందుకు ప్రభుత్వం దాదాపుగా నిర్ణయానికి వచ్చేసిన నేపథ్యంలో రగులుకున్న ఈ వివాదం రోజురోజుకూ తీవ్రమవుతోంది. మంత్రులకు వసతులు, పాలనా పరమైన అవసరాలు తీర్చడంతో పాటు కొత్త సచివాలయం ఆర్థిక భారం కూడా మరింత తగ్గుతుందన్న వాదన ప్రభుత్వానిదైతే..

విశాఖపట్నం, సెప్టెంబర్ 7: గ్రేటర్ విశాఖ నగరపాలక సంస్థ (జివిఎంసి), విజయవాడ మున్సిపల్ కార్పొరేషన్ ఉద్యోగులకు శుభవార్త! ఇప్పటి వరకూ ఆయా మున్సిపాలిటీలకు వచ్చే ఆదాయం నుంచే ఉద్యోగులు జీతాలు తీసుకునేవారు. కానీ త్వరలోనే వీరికి ట్రెజరీ నుంచి జీతాలు అందే అవకాశం ఉందని జివిఎంసి వర్గాలు తెలియచేస్తున్నాయి. రాష్ట్రంలోని అన్ని మున్సిపాలిటీలు, నగరపాలక సంస్థల ఉద్యోగులకు జీతాలు ట్రెజరీ నుంచి చెల్లిస్తున్నారు.

విజయవాడ (రైల్వేస్టేషన్), సెప్టెంబర్ 7: రానున్న దసరా, దీపావళి పండుగల దృష్ట్యా ప్రయాణికుల రద్దీని దృష్టిలో పెట్టుకుని కాచిగూడ - టాటానగర్ - కాచిగూడ మధ్య 18 ప్రత్యేక సర్వీసులను నడుపుతున్నట్లు దక్షిణ మధ్య రైల్వే చీఫ్ పబ్లిక్ రిలేషన్ ఆఫీసరు యు.ఉమాశంకర్ కుమార్ ఒక ప్రకటనలో తెలిపారు.

హైదరాబాద్, సెప్టెంబర్ 7: దక్షిణ మధ్య రైల్వే పరిధిలోని హైదరాబాద్, సికిందరాబాద్, విజయవాడ, గుంటూరు, గుంతకల్లు, నాందేడ్ డివిజన్లలోని రైళ్లలో నీళ్లు కరువయ్యాయి. రైల్వే స్టేషన్లలో ఉన్న కుళాయిలు పనిచేయడం లేదు. దీంతో ప్రయాణికులు తీవ్ర ఇబ్బందులెదుర్కొనవలసి వస్తోంది.