విజయవాడ, మే 30: జిఎస్టీ చట్టంలో అధిక మొత్తాల్లో విధించిన పన్నులకు వ్యతిరేకంగా దక్షిణాది రాష్ట్రాల హోటళ్ల యజమానుల సంఘం పిలుపుమేరకు మంగళవారం రాష్ట్రంలోని హోటళ్లన్నీ మూసివేశారు. ఇదేసమయంలో ఆన్‌లైన్‌లో మందుల అమ్మకాలను నిషేధించాలనే డిమాండ్‌పై జాతీయ కమిటీ పిలుపుమేరకు ఎపి రిటైల్ కెమిస్ట్స్, డ్రగ్గిస్ట్స్ అసోసియేషన్ ఆధ్వర్యంలో రాష్ట్రంలోని మందుల దుకాణాలన్నీ మూతపడ్డాయి.

హైదరాబాద్, మే 29: సంక్షేమానికి తెలంగాణ ప్రభుత్వం పెద్ద పీట వేసింది. అన్ని వర్గాల సంక్షేమాన్ని దృష్టిలో ఉంచుకుని బడ్జెట్‌లో నిధులే కాకుండా కొత్త సంక్షేమ పథకాలను అమలు చేసింది. మూడేళ్ల తెరాస ప్రభుత్వం 365 పథకాలను ప్రవేశపెట్టి, దానిలో సంక్షేమానికి అధిక ప్రాధాన్యత ఇచ్చింది. ప్రభుత్వం తాజాగా విడుదల చేసిన ప్రగతి నివేదికలో ఈ అంశాలను వెల్లడించింది.

హైదరాబాద్, మే 27: ప్రభుత్వ కళాశాలలో ప్రిన్సిపాల్‌గా బాధ్యతలు నిర్వహిస్తున్న డాక్టర్ ఎస్.శోభారాణిని ఆంధ్రప్రదేశ్‌కు బదిలీ చేయాలని హైదరాబాద్ హైకోర్టు సంబంధిత అధికారులను ఆదేశించింది. ఉమ్మడి ఆంధ్రప్రదేశ్‌ను విభజించింది భార్యా, భర్తలనువిడదీసేందుకు కాదని హైకోర్టు అభిప్రాయపడింది. జోన్-4లోని కర్నూలులో 1992 సంవత్సరం జూలై 20న డాక్టర్ ఎస్. శోభారాణి లెక్చరర్‌గా నియమితులయ్యారు.

తెలుగు రాష్ట్రాల్లో శుక్రవారం గాలివాన బీభత్సం సృష్టించింది. రెండు రాష్ట్రాల్లోని అనేక జిల్లాల్లో ఈదురుగాలులు, ఉరుములు, మెరుపులు, పిడుగులతో విరుచుకు పడిన గాలివాన విధ్వంసం సృష్టించింది. భారీ వృక్షాలు, విద్యుత్ స్తంభాలు నేలకూలాయి. గుడిసెలు, రేకుల షెడ్లు ధ్వంసమయ్యాయి. ప్రకాశం జిల్లా పెద్దారవీడు మండలంలో మిద్దెకూలి తల్లీకూతురు మృతి చెందారు. ఏడుగురు గాయపడ్డారు.