విశాఖపట్నం, మే 14: డొల్ల కంపెనీలను సృష్టించి, వందల కోట్ల రూపాయలను విదేశాలకు తరలించిన హవాలా కేసును ప్రభుత్వం సిఐడికి అప్పగించింది. ఈ కేసులో ప్రధాన సూత్రధారి వడ్డి మహేష్‌ను అరెస్టు చేసినట్టు పోలీసులు ప్రకటించారు. అతనిని కోల్‌కతానుంచి ఆదివారం విశాఖకు తీసుకొచ్చారు. మహేష్‌తోపాటు అతని తండ్రి శ్రీనివాస్‌ను కూడా పోలీసులు అదుపులోకి తీసుకుని విచారిస్తున్నట్టు తెలుస్తోంది.

అనంతపురం, మే 14:అనంతపురం జిల్లాలో ఆదివారం పిడుగుపాటుకు గురై ఐదుగురు మరణించారు. గుమ్మఘట్ట మండలం కలుగోడు గ్రామంలో సాయంత్రం 4.30 గంటల సమయంలో భారీ వర్షం కురిసింది. దీంతో గొర్రెల కాపరులు, రైతులు గ్రామంలోని పాఠశాల సమీపంలో ఉన్న ఓ రేకులషెడ్డులోకి చేరుకున్నారు. ఆ సమయంలో హఠాత్తుగా భారీ శబ్దంతో పిడుగు పడింది.

అమరావతి, మే 14: గ్రామాల్లో మంచినీటి సమస్యపై వస్తున్న ఫిర్యాదుల పరిష్కారం కోసం ఐటి, పంచాయతీరాజ్ మంత్రి లోకేష్ సాంకేతిక పరిజ్ఞానాన్ని పూర్తిస్థాయిలో వినియోగించుకుంటున్నారు. దీనికోసం రియల్ టైం వ్యవస్థను ఏర్పాటు చేయనున్నారు. మంచినీటి సమస్యలపై వివిధ పత్రికలు, వార్త్ఛానళ్లలో వస్తున్న కథనాలను కూడా ఫిర్యాదులుగా స్వీకరించి ఉన్నతాధికారులతో సమీక్షిస్తున్నారు.

నల్లగొండ, మే 14: తెలంగాణ రాష్ట్ర ప్రభుత్వం ఫ్లోరైడ్ పీడిత నల్లగొండ జిల్లాలో ప్రతిష్టాత్మకంగా చేపట్టిన మిషన్ భగీరథ పథకం పనుల పురోగతికి కాంట్రాక్టర్ల కరువొచ్చింది. ఉమ్మడి జిల్లాలో మిషన్ భగీరథ పథకంలోని ఓహెచ్‌ఎస్‌ఆర్ ట్యాంకుల నిర్మాణాలకు ఒక్కో ట్యాంకును ఒక్కో ప్యాకేజిగా చేసి 600 ట్యాంకుల నిర్మాణాలకు గత ఏప్రిల్ 8 నుండి నామినేషన్ పద్ధతిలో టెండర్లు పిలిచారు.