విజయవాడ, మే 13: వాయువ్య గాలుల ప్రభావంతో వాతావరణంలో మరిన్ని మార్పులు చోటుచేసుకోబోతున్నాయి. అనూహ్యరీతిలో పెరగనున్న ఉష్ణోగ్రతలతో ఆదివారం నుంచి ఈనెల 18 తేదీ వరకు ఎండలు ముదిరి ‘మంటలు’ చెలరేగనున్నాయి. రాష్ట్రంలోని 13 జిల్లాలకు గాను కర్నూలు, కడప, చిత్తూరు, గుంటూరు, కృష్ణా, ప్రకాశం, నెల్లూరు జిల్లాల్లో 3 నుంచి 4 డిగ్రీల వరకు ఉష్ణోగ్రతలు పెరిగే అవకాశం ఉందని రాష్ట్ర విపత్తు నివారణ సంస్థ తెలిపింది.

అమరావతి, మే 13: విద్యుత్ రంగంలో విప్లవాత్మక మార్పులు తీసుకు రానున్నట్లు ముఖ్యమంత్రి చంద్రబాబునాయుడు చెప్పారు. వారం రోజుల అమెరికా పర్యటన ముగించుకుని వచ్చిన సందర్భంగా శనివారం సాయంత్రం ఆయన విలేఖరులతో మాట్లాడారు. ఒక సిఎం అప్‌డేట్ అయితే ప్రజలకు ఎంతో మేలు జరుగుతుందన్నారు.

విశాఖపట్నం, మే 13:్భరీ హవాలా కుంభకోణంలో సూత్రధారి వడ్డి మహేష్ కథ అనుకోని పరిస్థితుల్లో అడ్డం తిరిగింది. డొల్ల కంపెనీలను ప్రారంభించి, కోట్ల రూపాయలను జమ చేసి, పెద్ద మొత్తంలో నగదును దేశం దాటించిన మహేష్ బండారాన్ని ఐటి అధికారులు బయటపెట్టిన సంగతి తెలిసిందే. దాదాపు పది బ్యాంకు అధికారులు, వివిధ శాఖల అధికారులు, సిబ్బంది మహేష్ హవాలా వ్యాపారానికి సహకరించారు.

హైదరాబాద్, మే 13: తెలంగాణలో రైతుకు స్వర్ణయుగం తెచ్చే మహోద్యమం రావాలని సిఎం కె చంద్రశేఖర్‌రావు పిలుపునిచ్చారు. బంగ్లాదేశ్‌లో ప్రొఫెసర్ యూనస్‌ఖాన్ పొదుపు ఉద్యమం చేపట్టినట్టు, ఎస్‌కె డే మన దేశంలో పంచాయితీరాజ్ ఉద్యమాన్ని తీసుకొచ్చినట్టు, తెలంగాణలో రైతుకు స్వర్ణయుగం తెచ్చే మహోద్యమం రావాలన్నారు.