కాకినాడ, జనవరి 24: గృహ నిర్బంధాలు, అరెస్టులకు భయపడేది లేదని కాపు ఉద్యమనేత ముద్రగడ పద్మనాభం పేర్కొన్నారు. రాష్ట్రంలో అందరూ ఆందోళనలు చేయవచ్చు కాని, కాపులు మాత్రం చేయకూడదా? అని ప్రశ్నించారు. కాపులే రత్నాచల్ ఎక్స్‌ప్రెస్‌ను దగ్ధం చేశారని పదేపదే చెబుతున్న ముఖ్యమంత్రి దమ్ముంటే తమను అరెస్టుచేసి జైలులో పెట్టాలని సవాల్ విసిరారు.

హైదరాబాద్, జనవరి 23: తెలంగాణ రాష్ట్ర వ్యాప్తంగా కందులు పండించిన రైతులు నిరాశ, నిస్పృహలకు గురికావద్దని, కనీస మద్దతు ధరకే వీటిని కొనుగోలు చేసేందుకు ఏర్పాట్లు చేశామని రాష్ట్ర మార్కెటింగ్ మంత్రి టి. హరీష్ రావు విజ్ఞప్తి చేశారు. కందులకు మద్దతు ధర, కొనుగోలుకు సంబంధించి తాజాగా నెలకొన్న పరిస్థితిపై సోమవారం ఆయన అధికారులతో ఇక్కడ సమీక్షించారు. సమీక్షా సమావేశంలో వెల్లడైన వివరాలు ఇలా ఉన్నాయి.

హైదరాబాద్, జనవరి 23: తెరాస సర్కారుకు కీలక పథకమైన డబుల్ బెడ్‌రూమ్ ఇళ్ల నిర్మాణం ఇక వేగాన్ని పుంజుకోనుంది. మార్గదర్శకాలు, నిర్మాణ వ్యయం వంటి పలు సమస్యలతో ఇంతకాలం నత్తనడక నడిచిన ఈ ప్రాజెక్టులో వేగం పెంచాలని ప్రభుత్వం నిర్ణయం తీసుకుంది. ఈ ఏడాదిలోనే 2.6 లక్షల ఇళ్లను నిర్మించేందుకు అవసరమైన కార్యాచరణ రూపొందించారు.

విజయవాడ, జనవరి 23:ప్రత్యేక హోదాకు జల్లికట్టుతో పోలికేమిటో అర్థంకావడం లేదని ముఖ్యమంత్రి చంద్రబాబు నాయుడు వ్యాఖ్యానించారు. తమిళనాడు జల్లికట్టు తరహాలో హోదా కోసం ఆందోళనకు సిద్ధమవ్వాలని కొన్ని పార్టీలు నిర్ణయించడంపై అసహనం వ్యక్తం చేశారు. వెలగపూడి సచివాలయంలో సోమవారం ఏర్పాటు చేసిన విలేఖరుల సమావేశంలో ఆయన మాట్లాడుతూ జల్లికట్టు అన్నది ఒక ఆట అని, దాన్ని చూసేందుకు విదేశీయులు వస్తుంటారని తెలిపారు.