అమరావతి, జనవరి 12: సంక్రాంతి సంబరాలంటే గుర్తుకొచ్చేది కోడిపందేలు. కృష్ణా, తూర్పు-పశ్చిమ గోదావరి జిల్లాల్లో జరగనున్న కోడిపందేల్లో పాల్గొనేందుకు హైదరాబాద్, బెంగళూరు, చెన్నై, ఢిల్లీ నుంచి పందెం రాయుళ్లు ఇప్పటికే తరలివచ్చారు. దేశవ్యాప్తంగా అన్ని రంగాలపై పెద్దనోట్ల రద్దు ప్రభావం కనిపిస్తుండగా, కోడిపందేలకు మాత్రం అలాంటి ఇబ్బందులున్నట్లు కనిపించడం లేదు.

విజయవాడ, జనవరి 12: రాష్ట్రంలో ప్రస్తుతం ఆరు ప్రాంతాల్లో విమానాశ్రయాలుండగా రానున్న రోజుల్లో ఇతర జిల్లాల్లోనూ ఏర్పాటుకు కేంద్రం చొరవ చూపాలని ముఖ్యమంత్రి చంద్రబాబు నాయుడు తెలిపారు. గన్నవరంలో అంతర్జాతీయ విమానాశ్రయంగా తీర్చిదిద్దేందుకు ముందస్తుగా శాశ్వత టెర్మినల్ నిర్మించాలని కోరారు. కార్గో సర్వీసులు కూడా ప్రవేశపెట్టాలని కోరారు.

హైదరాబాద్, జనవరి 11: దేశంలో ప్రవేశ పరీక్షల నిర్వహణకు ప్రత్యేక జాతీయ సంస్థ ఏర్పాటు చేసే యోచనలో కేంద్ర ప్రభుత్వం ఉంది. ప్రతి ఏటా వెయ్యివరకూ ప్రవేశ పరీక్షలు నిర్వహిస్తుంటే, అందులో ప్రతి విద్యార్ధి ఉన్నత చదువులకు కనీసం అరడజను పరీక్షలకు హాజరుకావల్సి వస్తోంది. ఈ ప్రవేశ పరీక్షలను వేర్వేరు సంస్థలు నిర్వహిస్తున్నాయి. దానివల్ల విద్యార్ధులకు సైతం లేనిపోని గందరగోళం ఏర్పడుతోంది.

హైదరాబాద్, జనవరి 9: రెండు తెలుగు రాష్ట్రాలూ ఆంగ్లభాష మోజులో పడ్డాయి. 2010 నుండి ఇందుకు సంబంధించిన ప్రణాళికలు వేస్తున్నా, సరైన వౌలిక సదుపాయాలు, నిపుణులను సిద్ధం చేసుకోకుండానే పాఠశాలల్లో ఇంగ్లీషు మీడియం క్లాసులు నిర్వహించేందుకు సన్నద్ధం కావడం వివాదాస్పదం అవుతోంది. ఇటు తెలంగాణలోనూ, అటు ఆంధ్రాలోనూ భాషాభిమానులు ప్రభుత్వ చర్యలను తూర్పారపడుతున్నారు.