కరీంనగర్, డిసెంబర్ 22: అత్యాచారం, హత్య కేసులో కరీంనగర్ కోర్టు సంచలన తీర్పు వెలువరించింది. అభం శుభం తెలియని మూ డున్నరేళ్ల చిన్నారిపై అత్యాచారానికి ఒడిగట్టి అనంతరం హత్య చేసిన కామాంధుడు జక్కుల వెంకటస్వామి (30)కి గురువారం సాయంత్రం కరీంనగర్ మొదటి అదనపు జిల్లా సెషన్స్ కోర్టు న్యాయమూర్తి బి.సురేష్ ఉరిశిక్షను ఖరారు చేస్తూ తీర్పును వెలువరించారు.

హైదరాబాద్, డిసెంబర్ 22:హైదరాబాద్ ఔటర్ రింగురోడ్డుపై 13 ట్రాన్సిట్ ఓరియంటెడ్ గ్రోత్ సెంటర్లను (శాటిలైట్ టౌన్‌షిప్)లను అభివృద్ధి చేయనున్నట్టు మున్సిపల్ వ్యవహారాల మంత్రి కె తారక రామారావు తెలిపారు. ఈ 13 శాటిలైట్ టౌన్‌షిప్‌ల అభివృద్ధికి 13,998 కోట్ల రూపాయలు వ్యయమవుతుందన్నారు.

అమరావతి, డిసెంబర్ 22: రెయిన్‌గన్ల నిర్వహణకు, పట్టణ సుందరీకరణ, లాండ్‌స్కేపింగ్‌కు రెండు ప్రత్యేక సంస్థలు ఏర్పాటు చేస్తున్నట్టు ముఖ్యమంత్రి చంద్రబాబు ప్రకటించారు. సరైన నిర్వహణ లేకపోతే ఏ యంత్ర పరికరమైనా త్వరగా దెబ్బతింటుందని, అందువల్ల రెయిన్‌గన్ల పర్యవేక్షణకు వీలుగా త్వరలో ఒక సంస్థను ఏర్పాటుచేసి దానికో కార్యనిర్వహణాధికారిని నియమించాలని సంబంధిత అధికారులను ఆదేశించారు.

విజయవాడ, డిసెంబర్ 22: జపాన్‌లో పరిశోధనలకు ఉపకరిస్తున్న అత్యాధునిక స్థాయి రాడార్ వ్యవస్థను అమరావతిలో నెలకొల్పడానికి ఆ దేశానికి చెందిన సుమితోమో కార్పొరేషన్‌లోని తోషిబా గ్రూపు ముందుకొచ్చింది. గురువారం అమరావతి అభివృద్ధి సంస్థ చైర్మన్, మేనేంగ్ డైరెక్టర్ లక్ష్మీపార్థసారథిని జపాన్ బృందం అధికారులు కేదారేశ్వరపేటలోని లోటస్ ల్యాండ్ మార్క్‌లోని విడిది కార్యాలయంలో కలిశారు.