భద్రాచలం, డిసెంబర్ 15: నేటి నుంచి శ్రీ సీతారామచంద్రస్వామి దేవస్థానంలో ధనుర్మాసోత్సవాలు ప్రారంభమవుతాయి. ఈ సందర్భంగా శుక్రవారం దేవస్థానం అర్చకులు తెల్లవారుఝామున మేళతాళాలు, వేద మంత్రోచ్ఛరణల మధ్య గోదావరికి వెళ్లి తీర్థ బిందె తెస్తారు. తెల్లవారుఝామున 4.46 గంటల సమయంలో మూలవరులకు స్నపన తిరుమంజనం నిర్వహించి సుప్రభాత సేవ చేస్తారు. అనంతరం బాలభోగం సమర్పిస్తారు.

హైదరాబాద్, డిసెంబర్ 15: హౌరా-సికిందరాబాద్ ఎక్స్‌ప్రెస్ వేళల్లో స్వల్ప మార్పులు జరిగినట్టు దక్షిణ మధ్య రైల్వే ముఖ్య ప్రజాసంబంధాల అధికారి ఒక ప్రకటనలో తెలిపారు. ట్రైన్ నెం 12703 హౌరా-సికిందరాబాద్ ఎక్స్‌ప్రెస్ విజయవాడ నుంచి గం. 03:35లకు బయలు దేరాల్సి ఉండగా, 03:25లకు బయలుదేరుతుందని, అదేవిధంగా ప్రస్తుతం ఉదయం గం. 09:35లకు సికిందరాబాద్‌కు చేరవలసి ఉండగా, గం. 09:05లకు చేరుతుందని పేర్కొన్నారు.

హైదరాబాద్, డిసెంబర్ 15:రాష్ట్ర అసెంబ్లీ సమావేశాలు వాడి వేడిగా జరిగే అవకాశాలే ఎక్కువగా కనిపిస్తున్నాయి. తొలిరోజైన శుక్రవారంనాడే పెద్ద నోట్ల రద్దు అంశంపై చర్చ చేపట్టనున్నారు. ఎన్‌డిఏలో తెలంగాణ రాష్ట్ర సమితి భాగస్వామి కాకపోయినా పెద్ద నోట్ల రద్దుకు మద్దతు ప్రకటించిన సంగతి తెలిసిందే. గురువారం ఉదయం జరిగిన శాసనసభా కార్యకలాపాల సలహా సంఘ సమావేశంలో పెద్ద నోట్ల రద్దుపై చర్చ జరపాలని నిర్ణయం తీసుకున్నారు.

గుంటూరు, డిసెంబర్ 15: రాష్ట్రంలోని వివిధ ప్రాంతాల్లో సెజ్ (స్పెషల్ ఎకనామిక్ జోన్)ల ఏర్పాటుకు, ఇండస్ట్రియల్ పార్కులు నెలకొల్పేందుకు ఎపిఐఐసికి భారీయెత్తున భూములను బదలాయిస్తూ ఆంధ్రప్రదేశ్ మంత్రిమండలి ఆమోదం తెలిపింది. వెలగపూడి సచివాలయంలో గురువారం రాష్ట్ర మంత్రిమండలి సమావేశం ముఖ్యమంత్రి చంద్రబాబు నాయుడు అధ్యక్షతన జరిగింది. వివరాలను మంత్రి పల్లె రఘునాథరెడ్డి మీడియాకు వివరించారు.