హైదరాబాద్, సెప్టెంబర్ 30: చెరువులు, నాలాలు ఆక్రమించుకుని ఇండ్లు, కట్టడాలు నిర్మించిన వారికి రెండు వారాలు గడువు ఇస్తూ నోటీసులు ఇచ్చి వారి నుంచి వివరణను స్వీకరించాలని జిహెచ్‌ఎంసిని హైకోర్టు ఆదేశించింది. హైకోర్టు న్యాయమూర్తి జస్టిస్ ఎంఎస్ రామచంద్రరావు ఈ ఆదేశాలను జారీ చేశారు. నోటీసులు ఇవ్వకుండా తమ ఇండ్లను, నిర్మాణాలను జిహెచ్‌ఎంసి అధికారులు కూల్చివేస్తున్నారంటూ అనేక పిటిషన్లు హైకోర్టులో దాఖలయ్యాయి.

హైదరాబాద్, సెప్టెంబర్ 30: పోలవరం ప్రాజెక్టు ఇంకా నిర్మాణ దశలోనే ఉందని, పట్టిసీమకు, పోలవరంకు సంబంధం లేదని కృష్ణా బోర్డుకు రాసిన లేఖలో ఆంధ్రప్రదేశ్ ప్రభుత్వం స్పష్టం చేసింది. రాష్ట్రంలో నదీ జలాల వినియోగంపై వివరాలను పంపాల్సిందిగా కృష్ణా బోర్డు రెండురోజుల క్రితం ఆంధ్ర, తెలంగాణ ప్రభుత్వాలను కోరింది. దీనిపై ఆంధ్రప్రదేశ్ ప్రభుత్వం లేఖ రాసింది.

హైదరాబాద్, సెప్టెంబర్ 30: బహిరంగ వేలం ద్వారా అమ్ముడైన అగ్రి గోల్డ్ ఆస్తుల రిజిస్ట్రేషన్‌కు అనుమతిస్తున్నట్లు హైకోర్టు ఆదేశాలు జారీ చేసింది. ముగ్గురు సభ్యుల కమిటీ ద్వారా అగ్రిగోల్డ్ ఆస్తులను విక్రయించి, వచ్చిన సొమ్మును డిపాజిటర్లకు చెల్లించాలని హైకోర్టు గతంలోనే పేర్కొంది. అగ్రిగోల్డ్ మోసాలపై సిబిఐ విచారణ జరిపించాలని దాఖలైన పిటిషన్‌పై హైకోర్టు ధర్మాసనం శుక్రవారం విచారించింది.

ఖమ్మం, సెప్టెంబర్ 30: ఖమ్మం జిల్లాలో నకిలీ విత్తనాలతో నష్టపోయిన రైతుల పంటలను శుక్రవారం రాష్టస్థ్రాయి బృందం కూసుమంచి, తిరుమలాయపాలెం మండలాల్లో పర్యటించింది. పర్యటనలో తిరుమలాయపాలెం, కూసుమంచి మండలాల్లో రైతులు జీవ 801, శే్వత విత్తనాలు సాగు చేయగా, అధికంగా జీవ 801వల్ల రైతులు తీవ్రనష్టపోయినట్లు అధికారులు ప్రాథమిక అంచనాకు వచ్చారు.