విశాఖపట్నం, ఆగస్టు 15: ఉత్తర బంగాళాఖాతంలో సోమవారం ఉదయం అల్పపీడనం ఏర్పడింది. ఇది రానున్న 48 గంటల్లో మరింత బలపడే అవకాశం ఉందని విశాఖలోని తుపాను హెచ్చరిక కేంద్రం అధికారులు సోమవారం రాత్రి తెలిపారు. ప్రస్తుతం దీని ప్రభావం కోస్తాంధ్రపై ఉండదని స్పష్టం చేశారు. ఒడిశా నుంచి ఉత్తర తమిళనాడు వరకూ కోస్తాంధ్ర మీదుగా అల్పపీడన ద్రోణి ఉందని తెలిపారు.

హైదరాబాద్, ఆగస్టు 15: గ్యాంగ్‌స్టర్ నరుూం ముఖ్య అనుచరుల్లో ఒకరైన సమీరుద్దీన్‌ను వనస్థలిపురం పోలీసులు అరెస్టు చేశారు. ఇటీవల వనస్థలిపురంలో పోలీస్ స్టేషన్ పరిధిలోని తుల్జ్భావాని నగర్‌లో పట్టుబడిన నరుూం డ్రైవర్ శ్రీధర్‌గౌడ్‌ను విచారించగా, అతడు ఇచ్చిన సమాచారం మేరకు నల్గొండలో నివాసముంటున్న సమీరుద్దీన్ (26)ను సోమవారం వనస్థలిపురం పోలీసులు అదుపులోకి తీసుకున్నారు.

అనంతపురం, ఆగస్టు 15: ‘ఎపికి ఎట్టి పరిస్థితుల్లోనూ ప్రత్యేక హోదా రాదు... హోదా ఇచ్చేందుకు ప్రధాని నరేంద్రమోదీ సిద్ధంగా లేరు. ప్రత్యేక ప్యాకేజీ ఇచ్చేందుకు కేంద్రం సన్నాహాలు చేస్తోంది’ అని తెలుగుదేశం పార్టీ సీనియర్ నేత, అనంతపురం ఎంపి జెసి దివాకర్‌రెడ్డి అన్నారు. సోమవారం అనంతపురంలో ఆయన మీడియాతో మాట్లాడుతూ రాష్ట్ర ప్రజలంతా ప్రత్యేక హోదా కోరుతున్నారన్నారు. అదంటే ఏమిటో చాలామందికి తెలీదన్నారు.

హైదరాబాద్, ఆగస్టు 15: కేంద్ర రాష్ట్ర సంబంధాల్లో సమాఖ్య స్ఫూర్తిని గౌరవిస్తూ తెలంగాణ సఖ్యతతో వ్యవహరిస్తోందని సిఎం కె చంద్రశేఖర్‌రావు తెలిపారు. ఇరుగు పొరుగు రాష్ట్రాలతో స్నేహాన్ని కోరుతున్నామన్నారు. పోరాట తెలంగాణను ఇక బతుకు తెలంగాణగా మలిచేందుకు త్రికరణ శుద్ధితో కృషి చేస్తున్నట్టు ప్రకటించారు.