హైదరాబాద్, ఆగస్టు 13: ఉమ్మడి ఆంధ్రప్రదేశ్ విభజన జరిగిన 2014 జూన్ 2వ తేదీ నుంచి 2017 జూన్ 2వ తేదీ మధ్య తెలంగాణ నుంచి ఆంధ్రప్రదేశ్‌కు వలస వెళ్లి స్ధిరపడిన కుటుంబాల పిల్లలను స్ధానికులుగా ప్రకటించి విద్యా సంస్ధల్లో రిజర్వేషన్ల సదుపాయాలను వర్తింప చేయాలని హైకోర్టు తీర్పు ఇచ్చింది.

హైదరాబాద్ : సికింద్రాబాద్ పాత బోయిన్‌పల్లిలో దారుణం జరిగింది. కాంగ్రెస్ నేత యాదగిరిపై గుర్తు తెలియని వ్యక్తులు కాల్పులు జరిపారు. ఇంట్లో నుంచి యాదగిరి బయటకు రాగానే ఇద్దరు దుండగులు కాల్పులు జరిపి పారిపోయారు.యాదగిరి పరిస్థితి విషమంగా ఉండటంతో చికిత్స నిమిత్తం ఓ ప్రైవేటు ఆస్పత్రికి తరలించారు. వైద్యులు బాధితుడికి చికిత్స అందిస్తున్నారు. సంఘటనాస్థలిలో బుల్లెట్లను పోలీసులు స్వాధీనం చేసుకున్నారు.

హైదరాబాద్, ఆగస్టు 12: కేంద్ర మానవ వనరుల శాఖ మంత్రి ప్రకాష్ జవదేకర్ శుక్రవారం రాత్రి హైదరాబాద్ చేరుకున్నారు. ఆయనకు బిజెపి నేతలు ఘనస్వాగతం పలికారు. హైదరాబాద్‌లో శనివారం ఆయన వివిధ కార్యక్రమాల్లో పాల్గొన్న అనంతరం ఆదిలాబాద్‌లో జరిగే కార్యక్రమంలో పాల్గొంటారు. అనంతరం హైదరాబాద్‌కు తిరిగివచ్చి తెలంగాణ విద్యారంగ స్థితి గతులపై సమీక్షిస్తారు. సమావేశ అనంతరం తిరిగి ఆయన ఢిల్లీకి వెళ్తారు.

అమలాపురం, ఆగస్టు 12: తూర్పు గోదావరి జిల్లా ఉప్పలగుప్తం మండలం భీమనపల్లి పంచాయతీ సూదాపాలెంలో కులవృత్తి చేసుకుంటున్న దళితులపై దాడిచేయడం అమానుషమని, బాధితులను చంద్రబాబు పరామర్శించకపోవడం దారుణమని వైఎస్సార్ కాంగ్రెస్ అధ్యక్షుడు జగన్‌మోహన్‌రెడ్డి అన్నారు. అమలాపురంలో చికిత్స పొందుతున్న బాధితులను శుక్రవారం ఆయన పరామర్శించారు.