హైదరాబాద్, జూలై 5: తెలంగాణ విద్యుత్ సంస్థలు ఆంధ్ర స్థానికత ప్రాతిపదికన బలవంతంగా రిలీవ్ చేసిన ఉద్యోగులు మంగళవారం ముఖ్యమంత్రి చంద్రబాబునాయుడిను విజయవాడలో కలిసి తమ సమస్యలను పరిష్కరించాలని కోరారు. చంద్రబాబును కలిసిన వారిలో తెలంగాణ విద్యుత్ సంస్థల రిలీవ్డ్ ఎంప్లారుూస్ జెఏసి కన్వీనర్ ఎన్ గిరిధర్, చైర్మన్ ఎం సురేంద్ర, కో చైర్మన్ కె బాబూరావు ఉన్నారు.

హైదరాబాద్, జూలై 5: ఇంజనీరింగ్ కాలేజీల ఫీజులకు సంబంధించిన ఉత్తర్వులను ఎట్టకేలకు తెలంగాణ ప్రభుత్వం మంగళవారం నాడు విడుదల చేసింది. ఇందులో 179 ఇంజనీరింగ్, 10 ఆర్కిటెక్చర్, రెండు ప్లానింగ్ కాలేజీల ఫీజులను ఖరారు చేశారు. దాంతో పాటు 73 ఫార్మసీ, 29 ఫార్మా డి కాలేజీల ఫీజులను సైతం ప్రభుత్వం ఖరారు చేసింది. ఇంజనీరింగ్‌లో గరిష్ట ఫీజు 1,13,500 రూపాయిలు సిబిఐటికి దక్కింది. కనిష్ట ఫీజు 35వేలుగా నిర్ణయించారు.

హైదరాబాద్, జూలై 5: రంగారెడ్డి జిల్లాలో దొంగ ధృవీకరణ పత్రాలతో ఉద్యోగాలు పొందిన 51 మంది టీచర్ల గుట్టురట్టు కావడంతో అదే తరహాలో మిగిలిన జిల్లాల్లో ఇంకా ఎంత మంది ఉద్యోగులు నకిలీ పత్రాలతో ఉద్యోగాలు పొందారో ప్రభుత్వం రహస్య పరిశీలన జరపుతోంది. ఇదే తరహాలో రంగారెడ్డి జిల్లాలోనే మరో పది మంది టీచర్లు ప్రభుత్వ ఉద్యోగాలు పొందినట్టు చెబుతున్నారు.

హైదరాబాద్, జూలై 5: అసెంబ్లీ ఆవరణలోని తెలుగు దేశం లెజిస్లేచర్ పార్టీ (టి.టిడిఎల్‌పి) ఆఫీసుపై వివాదం నెలకొంది. టి.టిడిపికి ముగ్గురే ఎమ్మెల్యేలు ఉన్నందున ఆఫీసును ఖాళీ చేయాల్సిందిగా నోటీసు జారీ చేసినట్లు అసెంబ్లీ అధికారులు చెబుతుండగా, అసలు తమకు నోటీసు ఇవ్వలేదని టి.టిడిపి వర్కింగ్ ప్రెసిడెంట్, ఎమ్మెల్యే ఎ. రేవంత్ రెడ్డి మంగళవారం విలేఖరుల సమావేశంలో మాట్లాడుతూ ఆగ్రహం వ్యక్తం చేశారు.