హైదరాబాద్, జూలై 2: జల సంరక్షణ, భూగర్భ జలాల వృద్ధి ప్రధాన లక్ష్యంగా చెరువుల పునరుద్ధరణకు చేపట్టిన మిషన్ కాకతీయ కార్యక్రమానికి ఐదువేల కోట్లు కేంద్ర సాయం అందించాలని సిఎం కె చంద్రశేఖర్ రావు కేంద్ర ఆర్థిక మంత్రి అరుణ్ జైట్లీకి లేఖ రాశారు. వచ్చే మూడేళ్లలో మిషన్ కాకతీయ కోసం ఐదువేల కోట్లు అందించాలని నీతి ఆయోగ్ చేసిన సిఫార్సులను సిఎం ఈ లేఖ ద్వారా జైట్లీకి గుర్తు చేశారు.

హైదరాబాద్, జూలై 2: త్వరలోనే హైదరాబాద్‌లో డేటా ఎనలిటిక్ హబ్ ఏర్పాటు చేయనున్నట్టు ఐటి మంత్రి కె తారక రామారావు వెల్లడించారు. హోటల్ తాజ్ కృష్ణలో శనివారం డిజిటల్ ట్రయల్ బ్లేజర్స్ అవార్డుల ప్రదానోత్సవానికి కెటిఆర్ ముఖ్య అతిథిగా హాజరయ్యారు. కార్య్రకమంలో కెటిఆర్ మాట్లాడుతూ ప్రపంచంలోని ఐదు అత్యున్నత ఐటి కంపెనీల్లో నాలుగు కంపెనీలు హైదరాబాద్‌లో ఉన్నాయన్నారు.

విజయవాడ, జూలై 2: కృష్ణాడెల్టా రైతులు వ్యవసాయ పనులు ప్రారంభించుకునేందుకు సిద్ధం కావాలని ముఖ్యమంత్రి చంద్రబాబునాయుడు పిలుపునిచ్చారు. స్థానిక క్యాంప్ కార్యాలయంలో శనివారం ఏర్పాటుచేసిన విలేఖరుల సమావేశంలో మాట్లాడుతూ గోదావరి నీటిమట్టం 14 అడుగులకు మించి ప్రవహిస్తున్న దృష్ట్యా ఈ నెల 6న పట్టిసీమ పథకం 24 పంపుల ద్వారా నీటిని పోలవరం కుడి ప్రధాన కాలువకు మళ్లిస్తున్నట్లు ఆయన తెలిపారు.

హైదరాబాద్, జూలై 2: పార్టీ మారిన 13 మంది వైఎస్సార్ కాంగ్రెస్ శాసనసభ్యులపై ఆ పార్టీ సభ్యులు ఇచ్చిన అనర్హత పిటిషన్లను తిరస్కరించినట్లు శాసనసభ స్పీకర్ కోడెల శివప్రసాదరావు వెల్లడించారు. ఎన్నికల్లో తాను 11 కోట్లు ఖర్చు చేశానన్న ఆరోపణలను త్రోసిపుచ్చారు. శనివారం ఆయన మీడియాతో మాట్లాడుతూ ఈ విషయం వెల్లడించారు.