హైదరాబాద్, జూన్ 30: రాష్ట్రం విడిపోయినా ఉమ్మడి గవర్నర్‌గా వ్యవహరిస్తున్న నరసింహన్ పనితీరుపై తెలుగు రాష్ట్రాల్లో విమర్శలు వెల్లువెత్తుతున్నాయి. రాష్ట్రం విడిపోయి, రెండుగా ఏర్పాటయిన తర్వాత కూడా, కీలకమైన అంశాలపై తరచూ తలెత్తుతున్న వివాదాలను పరిష్కరించడంలో గవర్నర్ తన అధికారాలను వినియోగించడం లేదన్న వ్యాఖ్యలు వినిపిస్తున్నాయి.

హైదరాబాద్, జూన్ 30: అభ్యున్నతికి, పురోగతికి తోడ్పడే ఆధునిక సాంకేతిక పరిజ్ఞానం ఐఎస్‌ఐఎస్ లాంటి ఉగ్రవాద సంస్థలకు ఓ వరంలా మారింది. పాలకులు, పోలీసుల నిర్లక్ష్యం కారణంగా ఈ ఆధునిక సౌకర్యం పెడదోవపడుతోంది. రోజురోజుకి అభివృద్ది చెందుతోన్న సాంకేతిక పరిజ్ఞానంతో ఉగ్రవాదులు తమ భావాజాలాన్ని ప్రచారం చేసుకునేందుకు, యువతను ఆకర్షించేందుకు ఎంతో చక్కగా సద్వినియోగం చేసుకుంటున్నారు.

విజయవాడ, జూన్ 30: ఆంధ్రప్రదేశ్‌లో పర్యాటక రంగంలో పెట్టుబడులకు మంచి అవకాశాలు ఉన్నాయని ముఖ్యమంత్రి చంద్రబాబు నాయుడు చెప్పారు. గిజో-ఎపి ద్వైపాక్షిక పెట్టుబడుల ప్రోత్సాహక సమావేశం గురువారం గుయాన్‌లో జరిగింది. ఈ సమావేశంలో పాల్గొన్న సిఎం మాట్లాడుతూ రాష్ట్రంలో 5.2 బిలియన్ డాలర్ల పెట్టుబడులు పెట్టడానికి అవకాశం ఉందన్నారు. ఎపికి వైమానిక, ఉపరితల, నౌకా రవాణా కనెక్టివిటి ఉందన్నారు.

హైదరాబాద్, జూన్ 30: అదిగో ఇదిగో అంటూ నత్తనడకన సాగిన ఉద్యోగుల తరలింపు ప్రక్రియ విజయవంతం కావడంతో ఏపి ముఖ్యమంత్రి చంద్రబాబు ప్రతిష్ఠ పెరిగినట్టయింది. హైదరాబాద్‌లో తిష్ఠవేసి, వెలగపూడికి వెళ్లకుండా మొరాయించిన ఉద్యోగులను అమరావతికి తీసుకురావడంతో పాటు, రెండు రోజులు ఆలస్యమయినప్పటికీ తాత్కాలిక సచివాలయం ప్రారంభం కావడంతో బాబు పరిపాలనపై ఇప్పటివరకూ ఉన్న విమర్శలు తగ్గినట్టయింది.