హైదరాబాద్, జూన్ 30: మలేసియన్ కంపెనీల కోసం ప్రత్యేకంగా తెలంగాణలో ఒక పారిశ్రామిక పార్క్ నిర్మాణం చేపట్టే విషయాన్ని పరిశీలించాలని ఐటి శాఖ మంత్రి కె తారక రామారావు ఆ దేశ ప్రధాని నజీబ్ టున్ రజాక్‌ను కోరారు. విదేశీ పర్యటనలో ఉన్న కెటిఆర్ గురువారం మలేసియా ప్రధానితో దాదాపుగంట సేపు సమావేశమయ్యారు. తెలంగాణ ప్రభుత్వ పారిశ్రామిక విధానం గురించి, మిషన్ కాకతీయ, మిషన్ భగీరథ వంటి పథకాల గురించి కెటిఆర్ వివరించారు.

హైదరాబాద్, జూన్ 30: హైదరాబాద్‌కు పెను ముప్పు తప్పింది. జాతీయ దర్యాప్తు సంస్థ (ఎన్‌ఐఎ) అధికారులు మంగళవారం మెరుపు దాడి జరిపి అదుపులోకి తీసుకున్న వారిలో ఐదుగురు కరడు గట్టిన ఉగ్రవాదులనీ, కిరాతక ఉగ్రవాద సంస్థ ఐఎస్‌ఐఎస్‌కు అనుబంధంగా హైదరాబాద్ కేంద్రంగా భారీ విధ్వంసానికి పథక రచన చేశారని విచారణలో వెల్లడైంది.

హైదరాబాద్, జూన్ 30: నవ్యాంధ్రలో ప్రభుత్వ సిబ్బంది పదవీ విరమణ కాలం మొదలయింది. సిబ్బంది పదవీ విరమణ వయసును 58 ఏళ్ల నుంచి 60 ఏళ్ల వరకూ పెంచి ముఖ్యమంత్రి చంద్రబాబు వారికి ఎనలేని ఆనందం కలిగించారు. ఇప్పుడా రెండేళ్ల గడువు పూర్తి కానుండటంతో రిటైర్మెంట్ ప్రక్రియ మొదలైంది. రాష్ట్రంలోని ప్రభుత్వ ఉద్యోగుల పదవీ విరమణను మరో రెండేళ్లు పొడిగిస్తున్నట్లు 2014లో చంద్రబాబు ప్రకటించారు.

ఒంగోలు/మేదరమెట్ల, జూన్ 30: ప్రకాశం జిల్లా మేదరమెట్ల జాతీయ రహదారిపై గురువారం వేకువ జామున రెండున్నర గంటల ప్రాంతంలో జరిగిన ఘోర రోడ్డు ప్రమాదంలో నలుగురు చిన్నారులు, డ్రైవర్ దుర్మరణం చెందారు. తీవ్రంగా గాయపడి గుంటూరులోని ఒక ప్రైవేటు ఆసుపత్రిలో చికిత్స పొందుతున్న ఓ మహిళ పరిస్థితి ఆందోళనకరంగా ఉంది. ప్రమాదానికి దారితీసిన పరిస్థితులు ఇలా ఉన్నాయి.