హిందూపురం, జూన్ 29: ప్రముఖ సినీనటుడు, హిందూపురం ఎమ్మెల్యే నందమూరి బాలకృష్ణకు తృటిలో పెనుప్రమాదం తప్పింది. బుధవారం మధ్యాహ్నం ఆయన ప్రయాణిస్తున్న సఫారీ వాహనం కర్నాటక రాష్ట్రం బాగేపల్లి సమీపంలో జాతీయ రహదారిపై అదుపుతప్పి డివైడర్‌ను ఢీకొంది. అయితే బాలకృష్ణకు ఎలాంటి గాయాలు కాలేదు. ప్రమాదం జరిగిన సమయంలో బాలకృష్ణ స్వయంగా వాహనం నడుపుతున్నట్లు సమాచారం.

హైదరాబాద్, జూన్ 29: ప్రస్తుత ప్రభుత్వం ఈ రాష్ట్రానికి తామే శాశ్వతం అనుకుంటోందని, మంచి పనులు చేయకుంటే మిలియన్ మార్చ్ సంగతి అందరికీ తెలుసని ప్రముఖ సామాజిక శాస్తవ్రేత్త ప్రొఫెసర్ హరగోపాల్ తీవ్రంగా విమర్శించారు. తెలంగాణ జాక్ నేతలు నిర్వహించిన సదస్సులో ఆయన బుధవారం మాట్లాడారు.

హైదరాబాద్, జూన్ 29: తెలంగాణ రాష్ట్ర రాజధాని హైదరాబాద్‌లో ఐసిస్ ఉగ్రవాద సంస్థ దాడికి కుట్రపన్నింది. భారీ పేలుళ్లకు ఐసిస్ ఉగ్రవాదులు పన్నిన కుట్రను జాతీయ దర్యాప్తు సంస్థ (ఎన్‌ఐఏ) భగ్నం చేసింది. హైదరాబాద్‌లో ఇస్లామిక్ స్టేట్ సిరియా ఉగ్రవాదులు చొరబడ్డారని కేంద్ర నిఘా వర్గాల సమాచారంతో బుధవారం తెల్లవారుజాము నుంచే ఎన్‌ఐఏ, నగర పోలీసులు జాయింట్ ఆపరేషన్ నిర్వహించారు.

హైదరాబాద్, జూన్ 28: న్యాయాధికారుల కేటాయింపులకు సంబంధించి తలెత్తిన వివాదం కేంద్ర రాష్ట్ర ప్రభుత్వాల మధ్య వివాదానికి దారితీస్తోంది. ఒకవైపు న్యాయాధికారులు, న్యాయవాదులు అందోళనను ఉధ్రుతం చేస్తుంటే, మరోవైపు హైకోర్టు ఈ అంశాన్ని మరింత సీరియస్‌గా తీసుకుంది. క్రమశిక్షణా చర్య కింద మంగళవారం మరో తొమ్మిది మంది న్యాయాధికారులను సస్పెండ్ చేసింది. దీంతో సస్పెండైన న్యాయాధికారుల సంఖ్య 11కు చేరింది.