తిరుపతి, జూన్ 27: కలియుగ ప్రత్యక్ష దైవం తిరుమల శ్రీ వేంకటేశ్వరస్వామివారికి ఈ-హుండీ ద్వారా కానుకలు సమర్పించే భక్తులకు పేమెంట్ గేట్ వే చార్జీలు (కమిషన్ చార్జీలు) రద్దు చేయడానికి చర్యలు తీసుకోవాలని టిటిడి కార్యనిర్వహణాధికారి డాక్టర్ డి.సాంబశివరావు అధికారులను ఆదేశించారు. తిరుపతిలోని టిటిడి పరిపాలనాభవనంలో సోమవారం సీనియర్ అధికారులతో ఇఓ వారాంతపు సమీక్ష సమావేశం నిర్వహించారు.

భద్రాచలం, జూన్ 27: ఇటీవలే రాకెట్ లాంచర్లతో పోలీసులపై విరుచుకుపడ్డ మావోయిస్టులు తాజాగా సరికొత్త ఆయుధంతో కలకలం సృష్టించారు. చిన్నపాటి రాకెట్‌ను పోలి ఉన్న ఈ ఆయుధానికి బాంబును అనుసంధానం చేసి శత్రువుపై ఉపయోగించడానికి సిద్ధం చేశారు. బస్తర్ అటవీ ప్రాంతంలోని కాంకేర్ జిల్లా మిర్తూర్ పోలీస్ స్టేషన్ పరిధిలోని చెర్లీ అవుట్ పోస్టుపై మావోలు ఆదివారం దీన్ని ప్రయోగించారు.

హైదరాబాద్, జూన్ 27: అపోహలు, సమస్యలు తీరిపోవడంతో మహారాష్ట్ర, తెలంగాణ మధ్య గోదావరిపై ప్రాజెక్టుల నిర్మాణానికి మార్గం సుగమమైంది. రెండు రాష్ట్రాల మధ్య తుది ఒప్పందానికి ముహూర్తం ఖారైరంది. జూలై 15న ముంభైలో తెలంగాణ సిఎం కె చంద్రశేఖర్‌రావు, మహారాష్ట్ర సిఎం ఫడ్నవీస్‌ల సమక్షంలో తుది ఒప్పందాలు ఖరారు కానున్నాయి. జూన్ 1న ముంబయిలో గోదావరి అంతర్రాష్ట్ర మండలి (ఐఎస్‌బి) సమావేశం జరుగుతుంది.

హైదరాబాద్, జూన్ 27: రాష్టవ్య్రాప్తంగా పలు పాఠశాలల్లో ఉపాధ్యాయుల ఖాళీలను దృష్టిలో పెట్టుకుని 9335 మంది విద్యా వాలంటీర్లను నియమించాలని రాష్ట్ర ప్రభుత్వం నిర్ణయం తీసుకుంది. విద్యా వాలంటీర్ల నియామకానికి సిఎం కెసిఆర్ సోమవారం ఆమోదం తెలిపారు. క్యాంపు కార్యాలయంలో సోమవారం జరిగిన సమావేశంలో విద్యాశాఖ మంత్రి కడియం శ్రీహరితో పాటు విద్యాశాఖకు సంబంధించిన సమస్యలపై చర్చించారు.