న్యూఢిల్లీ, జూన్ 4: బంగారం ధరలు ఒక్కసారిగా పుంజుకున్నాయి. శనివారం బులియన్ మార్కెట్‌లో 99.9 స్వచ్ఛత కలిగిన 10 గ్రాముల పసిడి ధర శుక్రవారం ముగింపుతో పోల్చితే 505 రూపాయలు ఎగిసింది. 29,225 రూపాయలకు చేరింది. 99.5 స్వచ్ఛత కలిగిన 10 గ్రాముల ధర 29,075 రూపాయలను తాకింది. అంతర్జాతీయంగా సానుకూల సంకేతాలు, దేశీయ మార్కెట్‌లో నగల వర్తకుల నుంచి పెరిగిన డిమాండ్ మధ్య ధరలు ఒక్కరోజే భారీగా పెరిగాయి.

తిరుపతి, జూన్ 4: రైల్వే అభివృద్ధి పనులకు సంబంధించి ఏపి అభ్యర్థనలను ప్రత్యేకంగా పరిగణించి వాటి కార్యాచరణ ప్రణాళికలను అమలు చేస్తామని రైల్వేశాఖ మంత్రి సురేష్ ప్రభాకర్ ప్రభు హామీ ఇచ్చారు. రూ.10కోట్లతో తిరుచానూరులో చేపట్టనున్న నూతన రైల్వే క్రాసింగ్ పనులకు తిరుపతి రైల్వే స్టేషన్లో రిమోట్ కంట్రోల్ ద్వారా రైల్వేమంత్రి శంకుస్థాపన చేశారు.

విశాఖపట్నం, జూన్ 4: గగనతలంలో విహరిస్తూ ప్రత్యేక అనుభూమిని పొందే అవకాశం ఇకనుంచి భక్తులు, పర్యాటకులకు కలగనుంది. ఇందుకోసం ఆంధ్రప్రదేశ్ టూరిజం కార్పొరేషన్ ప్రత్యేక ప్యాకేజీలు నిర్వహించనుంది.

హైదరాబాద్, జూన్ 4: హైదరాబాద్‌లో అంతర్జాతీయ 9వ ముత్యాలు, రత్నాల ప్రదర్శన శనివారం ప్రారంభమైంది. హైదరాబాద్ ఇంటర్నేషనల్ కనె్వన్షన్ సెంటర్‌లో ఈ ప్రదర్శనను జిహెచ్‌ఎంసి మేయర్ బొంతు రాంమోహన్ ప్రారంభించారు. ఈ సందర్భంగా ఆల్ ఇండియా జెమ్స్, జ్యుయలరీ ట్రేడ్ ఫెడరేషన్ చైర్మన్ జివి శ్రీ్ధర్, యుబిఎం ఎండి యోగేష్ ముద్‌రాస్ మాట్లాడుతూ ఈ ప్రదర్శనలో వందకుపైగా ప్రముఖ ఆభరణాల సంస్థలు పాల్గొన్నాయని చెప్పారు.