హైదరాబాద్, మే 31: రాష్ట్రావతరణ వేడుకలను కనీవిని ఎరగని రీతిలో నిర్వహించేందుకు ప్రభుత్వం భారీ ఏర్పాట్లు చేస్తోంది. తెలంగాణ ఆవిర్భావ దినమైన జూన్ 2న అంగరంగ వైభవంగా వేడుకలు నిర్వహించడానికి యావత్ ప్రభుత్వ యంత్రాంగం తలమునకలైంది. రాష్టవ్య్రాప్తంగానే కాకుండా విదేశాల్లోనూ అక్కడ స్థిరపడిన తెలంగాణ ప్రజల సహకారంతో వేడుకల నిర్వహిస్తోంది.

హైదరాబాద్, మే 31: తెలంగాణలోని రెండు రాజ్యసభ స్థానాలకు ఇద్దరు మాత్రమే నామినేషన్ దాఖలు చేయడంతో తెరాస అభ్యర్థులు ధర్మపురి శ్రీనివాస్, కెప్టెన్ లక్ష్మీకాంతరావులు ఏకగ్రీవంగా ఎన్నికయ్యారు. తెలంగాణ మంత్రులు నాయిని నర్సింహ్మారెడ్డి, అజ్మీరా చందూలాల్, ఈటల రాజేందర్, ఉప ముఖ్యమంత్రులు కడియం శ్రీహరి, మహమూద్ అలీతోపాటు శాసన సభ్యులు, శాసన మండలి సభ్యులు హాజరయ్యారు.

శ్రీకాకుళం, మే 31: తమిళనాడులోని తంజావూరు, అరవకురిచ్చి అసెంబ్లీ నియోజకవర్గాలకు జూన్ మొదటి వారంలోనే ఎన్నికలు నిర్వహించాలని కేంద్ర ఎన్నికల కమిషనర్‌కు లేఖ రాశానని, ఇటీవల ఎన్నికలు ఆగిపోయిన ఈ రెండు నియోజకవర్గాలకు ప్రాతినిథ్యం వహించే ఎమ్మెల్యేలు రాజ్యసభ ఎన్నికల్లో ఓట్లు కోల్పోనున్నందున ఈ లేఖ రాశానని ఆ రాష్ట్ర గవర్నర్ కొణిజేటి రోశయ్య స్పష్టం చేశారు.

హైదరాబాద్, మే 31 : జూన్ మొదటి పక్షంలో విత్తనాలు వేయాలని ఆశపడిన తెలుగు రాష్ట్రాల రైతులకు నిరాశే మిగిలింది. రుతుపవనాలు సకాలంలో (జూన్ 10 కి కాస్త అటుఇటుగా) వస్తాయని ప్రచారం జరగడంతో అటు ఆంధ్రప్రదేశ్ ప్రభుత్వ, ఇటు తెలంగాణ ప్రభుత్వం విత్తనాల సరఫరాకు ఏర్పాట్లు చేశాయి. తెలంగాణలో 105 లక్షల ఎకరాల్లో, ఏపిలో 120 లక్షల ఎకరాల్లో పంటలు వేస్తుంటారు. ఇందులో కేవలం వరి పంట విస్తీర్ణం 75 వేల ఎకరాలు ఉంటుంది.