హైదరాబాద్, మే 29: రాజ్యసభ ద్వైవార్షిక ఎన్నికల్లో పోటీ చేసే అభ్యర్థుల ఎంపికపై టిడిపి జాతీయ అధ్యక్షుడు, ఎపి ముఖ్యమంత్రి చంద్రబాబు నాయుడు ఇంకా తేల్చుకోలేకపోతున్నారు. ఆదివారం పార్టీ పొలిట్ బ్యూరో సభ్యులతో సుదీర్ఘంగా మంతనాలు జరిపినా ఎంపికపై స్పష్టత రాలేదు. అయితే ఎంపిక నిర్ణయాన్ని పార్టీ అధినేత చంద్రబాబుకే పొలిట్ బ్యూరో అప్పగించింది.

హైదరాబాద్/ విశాఖపట్నం, మే 29: ఎండాకాలం వెళ్లిపోతోంది. ఎండలు తగ్గుముఖం పట్టాయి. వడగాడ్పులు ఉంటాయని గత చాలా రోజుల నుండి ప్రకటిస్తున్న భారత వాతావరణ శాఖ (ఐఎండి) ప్రస్తుతం వడగాడ్పుల గురించి ఎలాంటి ప్రకటనా చేయలేదు. నైరుతీ రుతుపవనాలు ఇంకా రాకపోయినప్పటికీ, రుతుపవనాల కంటే తొలుత వచ్చే ‘ముందస్తు వర్షాలు’ కురుస్తున్నాయి. ఉభయ తెలుగు రాష్ట్రాల్లో గత 24 గంటల్లో ఒక మోస్తరు నుండి భారీ వర్షపాతం నమోదైంది.

హైదరాబాద్, మే 28: రెండేళ్ళలో ప్రధాని నరేంద్ర మోదీ టూరిస్టు ప్రధానిగా మారారని కాంగ్రెస్ సీనియర్ నాయకుడు, లోక్‌సభలో ప్రతిపక్ష నేత మల్లికార్జున ఖర్గే విమర్శించారు. దేశమంతా కరవు విలయతాండవం చేస్తుంటే బిజెపి నాయకులు, కార్యకర్తలు రెండేళ్ళ సంబరాలు ఎందుకు చేసుకుంటున్నారో అర్థం కావడం లేదని అన్నారు. బిజెపి చేపట్టిన వికాస్ పర్వ్‌కు వ్యతిరేకంగా కాంగ్రెస్ వినాశ్ పర్వ్ చేపట్టిన సంగతి తెలిసిందే.

హైదరాబాద్, మే 28: ఆంధ్ర, తెలంగాణ రాష్ట్రాలకు చెందిన న్యాయవాదులు సుప్రీం కోర్టు ఆదేశాల మేరకు జూన్ 1వ తేదీ నుంచి 30వ తేదీ మధ్య లా, ఇతర విద్యార్హతలకు సంబంధించిన ధ్రువపత్రాలను బార్ కౌన్సిల్‌కు సమర్పించి తనిఖీ చేయించుకోవాలని ఆంధ్రప్రదేశ్ బార్ కౌన్సిల్ చైర్మన్ ఏ నరసింహారెడ్డి పేర్కొన్నారు. 2015 బార్ కౌన్సిల్ ఆఫ్ ఇండియా రూపొందించిన మార్గదర్శకాల మేరకు ధ్రువపత్రాలను తనిఖీ చేయించుకోవాలని ఆయన కోరారు.