తిరుపతి, మే 28: పేద, బడుగు, బలహీన వర్గాల సంక్షేమంకోసం తన జీవితాన్ని త్యాగం చేసిన మహానేత ఎన్‌టి రామారావుకు భారతరత్న ఇవ్వాలని టిడిపి జాతీయ అధ్యక్షుడు, సిఎం చంద్రబాబు నాయుడు కేంద్ర ప్రభుత్వానికి విజ్ఞప్తి చేశారు. ఈ మేరకు మహానాడులో తీర్మానాన్ని ప్రవేశపెట్టారు.

నెల్లూరు, మే 28: ధర్మాసుపత్రి కాస్తా అధర్మాసుపత్రి అయింది... మానవత్వం మురుగుకాల్వలో మంటగలిసిపోయింది... వైద్యం కోసం సర్కారీ ఆసుపత్రికి వచ్చిన ఓ రోగికి ఎదురైన అనుభవం తెలిస్తే నివ్వెరపోవాల్సిందే. ఆసుపత్రి సిబ్బంది అతన్ని బెదిరించిన తీరు చూస్తే ఆశ్చర్యపోవాల్సిందే. ప్రాణం విలువ తెలియని వైద్య సిబ్బంది ఓ రోగిని నిర్ధాక్షిణ్యంగా మురుగుకాల్వపాలు చేసేశారు నెల్లూరు ప్రభుత్వ ఆసుపత్రి సిబ్బంది.

కాకినాడ, మే 28: గ్రామాల్లో పారిశుద్ధ్య సమస్యల పరిష్కారానికి గ్రీన్ అంబాసిడర్లను నియమించేందుకు తూర్పుగోదావరి జిల్లా ప్రభుత్వ యంత్రాంగం చర్యలు చేపట్టింది. రాష్ట్రంలో ప్రయోగాత్మకంగా తూర్పు గోదావరి జిల్లాలో గ్రీన్ అంబాసిడర్లను నియమిస్తున్నారు. గ్రామాల్లో చెత్త సమస్యను పరిష్కరించే బాధ్యతలను వీరికి అప్పగించనున్నారు.

హైదరాబాద్, మే 27: ఆంధ్రప్రదేశ్‌లో 26 మంది సీనియర్ ఐఎఎస్‌లను ప్రభుత్వం బదిలీ చేసింది. ఈ మేరకు శుక్రవారం రాత్రి ప్రభుత్వ ప్రధానకార్యదర్శి సత్యప్రకాష్ టక్కర్ ఉత్తర్వులు జారీ చేశారు. గత 15రోజులుగా కొనసాగుతున్న ఈ కసరత్తు శుక్రవారం నాటికి కొలిక్కి వచ్చింది. అటవీశాఖ స్పెషల్ సిఎస్‌గా ఉన్న అశ్విని కుమార్ పరీడాను పబ్లిక్ ఎంటర్ ప్రైజెస్ స్పెషల్ సిఎస్‌గా బదిలీ చేశారు.