హైదరాబాద్, మార్చి 29: మూడేళ్లలోనే రాష్ట్ర ప్రభుత్వం లక్షా 23వేల కోట్ల రూపాయలు అప్పులు చేయనుందని, ఇది రాష్ట్ర భవిష్యత్తును ప్రమాదంలో పడేస్తుందని కాంగ్రెస్ ఎమ్మెల్యే ఉత్తమ్‌కుమార్‌రెడ్డి ఆందోళన వ్యక్తం చేశారు. ద్రవ్య వినిమయ బిల్లు తీర్మానంపై కాంగ్రెస్ తరఫున ఉత్తమ్‌కుమార్‌రెడ్డి మాట్లాడుతూ భవిష్యత్తు తరాలను అప్పుల్లో ముంచెత్తే విధంగా ప్రభుత్వ విధానాలు ఉన్నాయని ఆందోళన వ్యక్తం చేశారు.

హైదరాబాద్, మార్చి 29: ఉమ్మడి ఆంధ్రప్రదేశ్ విభజన నేపథ్యంలో 15మంది ఐఎఎస్, ఐపిఎస్ అధికారులను కేటాయించిన తీరును తప్పుబడుతూ ఈ కేటాయింపులను రద్దు చేస్తూ సెంట్రల్ అడ్మినిస్ట్రేటివ్ ట్రిబ్యునల్ మంగళవారం తీర్పు ఇచ్చింది. ఈ తీర్పును క్యాట్ బెంచి బి వెంకటేశ్వరరావు, రంజన చౌదరి వెలువరించారు.

హైదరాబాద్, మార్చి 29: ఎప్పుడెప్పుడాని ఎదురుచూస్తున్న ఖైదీలకు తెలంగాణ ప్రభుత్వం శుభవార్త అందించింది. రాష్టవ్య్రాప్తంగా సత్ప్రవర్తన కలిగిన ఖైదీల విడుదలకు ప్రభుత్వం మంగళవారం ఉత్తర్వులు జారీ చేసింది. రాష్టవ్య్రాప్తంగా 251 మంది ఖైదీలను విడుదల చేస్తూ ప్రభుత్వం జివో 38 జారీ చేసింది. వీరంతా రాష్ట్రంలోని వివిధ జైళ్ల నుంచి విడుదలయ్యారు.

హైదరాబాద్, మార్చి 29: ఎమ్మెల్యేలకు ఏటా ఇచ్చే నియోజకవర్గ అభివృద్ధి నిధులను ప్రభుత్వం రెట్టింపు చేసింది. ఇప్పటి వరకు నియోజకవర్గ అభివృద్ధి నిధి కింద ఏటా కోటిన్నర రూపాయలు విడుదల చేస్తుంటే, ఇకనుంచి మూడు కోట్లు నిర్ణయించింది. 120మంది ఎమ్మెల్యేలు, 40మంది ఎమ్మెల్సీలు మొత్తం 160 మందికి నియోజకవర్గ అభివృద్ధి నిధి కింద ఏటా 480 కోట్లు కేటాయిస్తారు.