అమరావతి: ముఖ్యమంత్రి వైఎస్ జగన్‌మోహన్‌రెడ్డితో తాడేపల్లి క్యాంప్ కార్యాలయంలో మంగళవారం భారత కాఫీ బోర్డు కార్యదర్శి, సీఈవో శ్రీవత్స కృష్ణ భేటీ అయ్యారు. రాష్ట్రంలో కాఫీ తోటల అభివృద్ధి, ఎగుమతులపై కొద్దిసేపు చర్చించారు.

హైదరాబాద్: ముఖ్యమంత్రి కేసీఆర్ ఆదేశాల మేరకు సినిమాటోగ్రఫీ శాఖ మంత్రి తలసాని శ్రీనివాస్ యాదవ్ మంగళవారం సినీరంగ ప్రముఖులు చిరంజీవి, నాగార్జునతో సమావేశమయ్యారు. ఈ చిరంజీవి ఇంట్లో జరిగిన ఈ సమావేశంలో తెలుగు సినిమా పరిశ్రమకు సంబంధించిన పలు అంశాలపై చర్చించినట్టు మంత్రి తలసాని తెలిపారు.

కాట్రేనికోన: ఉప్పూడి గ్రామం ఊపిరి పీల్చుకుంది. రెండు రోజుల పాటు తూర్పు గోదావరి జిల్లాలోని కోనసీమ వాసులకు కంటిమీద కునుకు లేకుండా చేసిన గ్యాస్ బ్లోఅవుట్ మంగళవారం ఉదయం అదుపులోకి వచ్చింది. కాట్రేనికోన మండలం ఉప్పూడి గ్రామంలో కేఎఫ్‌హెచ్ చమురు సంస్థ నిర్వహణలో ఉన్న ఒక రిగ్ నుండి ఆదివారం సాయంత్రం నుంచి భారీగా గ్యాస్ లీకవుతూ భయానక వాతావరణం రేకెత్తించిన సంగతి తెలిసిందే.

అమరావతి: ఆంధ్ర సబ్‌ఏరియా మేజర్ జనరల్ ఆర్‌కే సింగ్ సోమవారం సచివాలయంలో ప్రభుత్వ ప్రధానకార్యదర్శి నీలం సాహ్నిని మర్యాదపూర్వకంగా కలిశారు. ఈ సందర్భంగా ఇరువురు రాష్ట్ర విభజన అనంతరం నూతనంగా ఏర్పాటైన ఆంధ్ర సబ్‌ఏరియాకు సంబంధించి వివిధ అంశాలపై చర్చించారు. అనంతరం మేజర్ జనరల్ సింగ్‌ను బొబ్బిలి వీణ, శాలువతో సీఎస్ సత్కరించారు. కార్యక్రమంలో కమాండర్ బీవీఎస్ రావు తదితరులు పాల్గొన్నారు.