హైదరాబాద్, ఫిబ్రవరి 15: టిడిపి నేతృత్వంలోని రాష్ట్ర ప్రభుత్వాన్ని అప్రతిష్టపాలు చేసి, రాజకీయంగా లబ్ధిపొందేందుకు ప్రతి చిన్న అవకాశాన్ని ఉపయోగించుకునేందుకు వైకాపా అధ్యక్షుడు, విపక్ష నేత వైఎస్ జగన్‌మోహన్‌రెడ్డి ప్రయత్నిస్తున్నారని, అందువల్ల మంత్రులంతా ఒళ్లు దగ్గరపెట్టుకుని పనిచేయాలని ముఖ్యమంత్రి చంద్రబాబు హెచ్చరించారు.

హైదరాబాద్, ఫిబ్రవరి 15: ఆంధ్రప్రదేశ్ శాసనసభ నుంచి సస్పెన్షన్‌కు గురైన వైసిపి ఎమ్మెల్యే రోజా తన సస్పెన్షన్ అక్రమమంటూ దాఖలు చేసిన పిటిషన్‌పై విచారణను హైకోర్టు మంగళవారానికి వాయిదా వేసింది. గత ఏడాది శాసనసభ సమావేశాల్లో అనుచితంగా మాట్లాడారన్న అభియోగంపై ఏడాదిపాటు సభ నుంచి సస్పెండ్ చేసిన సంగతి తెలిసిందే. దీనిపై రోజా హైకోర్టును ఆశ్రయించారు.

హైదరాబాద్, ఫిబ్రవరి 15 : విశాఖపట్నంలో కనె్వన్షన్ సెంటర్ నిర్మించేందుకు సింహాచలంలోని శ్రీ వరాహ లక్ష్మీనర్సింహ స్వామి దేవాలయానికి చెందిన 10 ఎకరాల భూమిని లీజుపై ఇచ్చేందుకు ప్రభుత్వం ఆమోదించింది. ఏటా 96,80,000 రూపాయల అద్దె చెల్లించే ప్రాతిపదికపై ఎపిఐఐసి (ఆంధ్రప్రదేశ్ ఇండస్ట్రియర్ ఇన్‌ఫ్రాస్ట్రక్చర్ కార్పొరేషన్)కి భూమిని అందచేసేందుకు వీలుగా దేవాదాయ కమిషనర్‌కు ప్రభుత్వం అధికారం కల్పించింది.

గుంటూరు, ఫిబ్రవరి 15: జాలర్లు ఆధునికతను సంతరించుకుని అభివృద్ధి బాటలో పయనించాలని అఖిల భారత క్షత్రియ సంఘం అధ్యక్షుడు డా. గజేంద్ర భాన్జీ పిలుపునిచ్చారు. ఆంధ్రప్రదేశ్ రాజధాని అమరావతిలో సోమవారం పర్యటించిన జాలర్ల కుటుంబాలను కలిశారు. తుళ్లూరు మండలం రాయపూడి గ్రామంలో జాలర్లతో సమావేశమయ్యారు. కేంద్ర ప్రభుత్వం 200 కోట్ల నిధులను జాలర్ల అభివృద్ధికి కేటాయించిందని తెలిపారు.