మంగళగిరి, జనవరి 28: నవ్యాంధ్రప్రదేశ్ నూతన రాజధాని అమరావతి నగర నిర్మాణానికి జిల్లాల్లోని మంగళగిరి, తాడేపల్లి, తుళ్లూరు మండలాల్లోని 29 గ్రామాల్లో భూ సమీకరణ కింద సిఆర్‌డిఎ తీసుకున్న పంటపొలాలన్నీ నేడు బీడుభూములుగా దర్శన మిస్తున్నాయి. ఆయా గ్రామాల్లో సమీకరణకు భూములిచ్చిన రైతులు కౌలు పరిహారం తీసుకుని పొలాలను పంటలు వేయకుండా వదిలేయడంతో కంపచెట్లు పెరిగి బీడుభూములుగా మారాయి.

విశాఖపట్నం, జనవరి 28: విశాఖలో జరగనున్న ఇంటర్నేషనల్ ఫ్లీట్ రివ్యూ (ఐఎఫ్‌ఆర్)కి సంబంధించి అధికారులు భారీ ఏర్పాట్లు చేస్తున్నారు. వచ్చే నెల నాలుగునుంచి ప్రారంభమయ్యే ఐఎఫ్‌ఆర్‌లో భాగంగా ఏడవ తేదీన జరగనున్న ప్రధాన విన్యాసాలను తిలకించడానికి వచ్చే ప్రజలకు ఎటువంటి అసౌకర్యం కలగకుండా అధికారులు జాగ్రత్తలు తీసుకుంటున్నారు.

కంచికచర్ల, జనవరి 28: ఊర కుక్కల దాడిలో మూడేళ్ల చిన్నారి మృతి చెందిన విషాద ఘటన కృష్ణా జిల్లా కంచికచర్ల మండలం వేములపల్లి గ్రామంలో గురువారం జరిగింది. గ్రామానికి చెందిన కామా వెంకటేశ్వర్లు, వెంకట రమణ దంపతుల కుమార్తె అనన్య (3) ఉదయం ఆరుబయట ఆడుకుంటుండగా ఊర కుక్కలు మెడపట్టుకొని పొలాల్లోకి ఈడ్చుకు వెళ్లాయి.

విజయవాడ : రైతుల నుంచి 28 లక్షల టన్నుల ధాన్యం కొనుగోలు చేశామని, తొలివిడతగా రూ. 200 కోట్లు విడుదల చేశామని, వారం రోజుల్లోగా మిగతా నిధులు విడుదల చేస్తామని మంత్రి పుల్లారావు తెలిపారు. గురువారం ఆయన విజయవాడలో విలేకరులతో మాట్లాడుతూ ఉభయ గోదావరి జిల్లాలకు కేంద్రంగా ఓ చోట కొబ్బరి పార్కును నిర్మిస్తామని పేర్కొన్నారు.