హైదరాబాద్: జీహెచ్‌ఎంసీ పరిధిలోని నివాస గృహాల యజమానులకు సీఎం కేసీఆర్ తీపి కబురు అందించారు. గ్రేటర్ హైదరాబాద్ పరిధిలో రూ.1,200, ఆలోపు వార్షిక ఆస్తి పన్ను చెల్లిస్తున్న పేద, మధ్య తరగతి నివాస గృహాల యజమానుల నుంచి ఇకపై రూ.101 మాత్రమే కడితే సరిపోతుంది. ఈ మేరకు ప్రభుత్వం గురువారం ఉత్తర్వులు జారీ చేసింది. అలాగే ఎల్ఆర్ఎస్, బీఆర్ఎస్ గడువును మరో నెల రోజుల పాటు ప్రభుత్వం పొడిగించింది.

హైదరాబాద్ : ఉప్పల్ వెలిగుట్టలో మంచినీటి పైప్‌లైన్ ప్రారంభోత్సవం కార్యక్రమంలో తెరాసా, బిజెపి, తెదెపా కార్యకర్తల మధ్య తోపులాట జరిగి ఘర్షణకు దారితీసింది. ప్రారంభోత్సవ కార్యక్రమానికి కేంద్రమంత్రి దత్తాత్రేయ, రాష్ట్ర మంత్రులు కేటీఆర్‌, నాయిని నర్సింహారెడ్డి, తలసాని శ్రీనివాస్‌యాదవ్‌, పద్మారావు, స్థానిక ఎంపీ మల్లారెడ్డి, ఎమ్మెల్యే ప్రభాకర్‌ తదితరులు హాజరయ్యారు.

హైదరాబాద్‌: అనంతపురం జిల్లా డి.హిరేహాళ్‌ వద్ద టిప్పర్‌ లారీ కారును ఢీకొంది. ఈ సంఘటనలో కారులో ప్రయాణిస్తున్న భార్యాభర్తలు అక్కడిక్కడే మృతిచెందగా మరో ఇద్దరికి తీవ్ర గాయాలయ్యాయి. మృతులు కర్ణాటకలోని కలబుర్గి జైలు వార్డెన్‌ పురుషోత్తమ్‌ దంపతులుగా గుర్తించారు.

హైదరాబాద్ : అగ్రిగోల్డ్ ఆస్తులను ఫిబ్రవరిలో వేలం వేయాల్సిందిగా హైకోర్టు ఆదేశించింది. గురువారంనాడు అగ్రిగోల్డ్ కేసు విచారణ సందర్భంగా ఆరు ఆస్తులను వేలం వేయాల్సిందిగా ఆదేశించింది. నిందితులను ఎందుకు అరెస్టు చేయటంలేదని ప్రశ్నించగా విచారణకు సహకరిస్తున్నారని సీఐడీ తెలిపింది.