హైదరాబాద్: దేశ సమస్యలు పరిష్కరించేలా యువత కొత్త పరిశోధనలు చేయాలని రాష్ట్రపతి ప్రణబ్ ముఖర్జీ కోరారు. సికింద్రాబాద్‌లోని మిలిటరీ కాలేజీ 88వ స్నాతకోత్సవాన్ని నిర్వహించారు. ఈ స్నాతకొత్సవానికి రాష్ట్రపతి ప్రణబ్ ముఖర్జీ, గవర్నర్ నరసింహన్‌తోపాటు ఇతర ప్రముఖులు హాజరయ్యారు. మెరిట్ సాధించిన విద్యార్థులకు మెడల్స్ ప్రదానం చేశారు.

హైదరాబాద్‌: ఆంధ్రప్రదేశ్‌ శాసనసభలో ప్రభుత్వం ఇవాళ 5బిల్లులు ప్రవేశపెట్టింది. మౌలిక సదుపాయల అభివృద్ధి సవరణ బిల్లు, విద్యుత్‌ సుంకం బిల్లు, నౌకాశ్రయాల అభివృద్ధిపై మ్యారీటైమ్‌ బోర్డు బిల్లు, విలువ ఆధారిత పన్ను, విదేశీ మద్యం సవరణ బిల్లులను ప్రభుత్వం స్పీకర్‌ అనుమతితో సభలో ప్రవేశ పెట్టింది. వైకాపా సభ్యుల నినాదాల మధ్యే మంత్రులు ఆయా బిల్లులను సభలో ప్రవేశపెట్టారు.

గుంటూరు : మూడేళ్లలో మంగళగిరిలో ఎయిమ్స్‌ నిర్మాణం పూర్తి చేసేందుకు చర్యలు తీసుకుంటామని కేంద్ర మంత్రి జేపీ.నడ్డా తెలిపారు. గుంటూరు జిల్లా మంగళగిరిలో ఎయిమ్స్‌ నిర్మాణానికి శనివారం శంకుస్థాపన చేశారు. ఈ సందర్భంగా జరిగిన సభలో మంత్రి నడ్డా ప్రసంగించారు. 193 ఎకరాల విస్తీర్ణంలో రూ.1,618 కోట్ల పెట్టుబడితో ఎయిమ్స్‌ నిర్మిస్తామని చెప్పారు.

భద్రాచలం, డిసెంబర్ 18: ఖమ్మం జిల్లా భద్రాచలంలో వైకుంఠ ఏకాదశి ఉత్సవాల్లో భాగంగా శ్రీ సీతారామచంద్రస్వామి శుక్రవారం బలరామావతారంలో భక్తులకు దర్శనమిచ్చారు.
గర్భగుడిలో పూజలు నిర్వహించిన అనంతరం స్వామివారిని మేళతాళాలు, మంగళవాయిద్యాలు, కోలాటాల నడుమ ఊరేగింపుగా కల్యాణ మండపం వద్దకు తీసుకొచ్చారు. కల్యాణ మండప వేదిక వద్ద భక్తులకు స్వామివారి దర్శనభాగ్యం కల్పించారు.