హైదరాబాద్, జనవరి 25:ప్రజా రవాణాలో ప్రయాణికులకు భద్రతను కల్పిస్తూ సురక్షిత ప్రయాణం కోసం రాష్ట్ర ఆర్టీసీ అధికారులు భద్రతా వారోత్సవాను నిర్వహిస్తున్నారు. ఈనెల 28వ తేదీ నుంచి ఫిబ్రవరి 2వ తేదీ వరకు రాష్ట్ర వ్యాప్తంగా 97 డిపోల్లో రోడ్డు భద్రతా వారోత్సవాలకు ఏర్పాట్లు జరుగుతున్నాయి. డిపోల్లో ప్రయాణికు సంఘాలు, న్యాయ, పోలీస్, ఇతర ప్రముఖ వ్యక్తులను డిపోలకు ఆహ్వానిస్తున్నారు.

హైదరాబాద్, జనవరి 23: ఆంధ్రప్రదేశ్ ప్రభుత్వం పరిపాలనా వికేంద్రీకరణలో భాగంగా రాజధానిని రాయలసీలోనే ఏర్పాటు చేయాలని మాజీ హోంమంత్రి ఎంవీ మైసూరారెడ్డి డిమాండ్ చేశారు. మూడు రాజధానుల ప్రతిపాదనను విరమించుకోవాలని సీఎం జగన్‌మోహన్ రెడ్డికి మైసూరా సూచించారు. ప్రభుత్వం ప్రవేశ పెట్టిన బిల్లును శాసన మండలి సెలెక్ట్ కమిటీకి పంపించాలని నిర్ణయించడాన్ని ఆయన ఈ సందర్భంగా గుర్తుచేశారు.

హైదరాబాద్, జనవరి 22: మున్సిపల్ శాఖ పరిధిలోని నోటిఫికేషన్ 20/2018 ద్వారా హెల్త్ అసిస్టెంట్ పోస్టుల ఎంపికకు ప్రాధమిక జాబితాను రాష్ట్ర పబ్లిక్ సర్వీసు కమిషన్ విడుదల చేసింది. 2018 డిసెంబర్ 13న నిర్వహించిన లిఖిత పరీక్ష ఆధారంగా ఈ ప్రాధమిక జాబితా రూపొందించినట్టు కమిషన్ పేర్కొంది. మొత్తం 50 పోస్టులకు 32 మంది ఎంపికయ్యారని, మిగిలిన పోస్టులకు అర్హులు లేరని పేర్కొంది.

గుంటూరు: రాజధాని కోసం భూములు త్యాగం చేసిన రైతులపై లాఠీఛార్జి చేయించిన వైఎస్‌ఆర్ కాంగ్రెస్ ప్రభుత్వాన్ని కూల్చే వరకు జనసేన పార్టీ నిద్రపోదని జనసేన పార్టీ అధినేత పవన్‌కళ్యాణ్ హెచ్చరించారు. ఆడపడుచులు, అన్నదాతలు, దివ్యాంగుల ఒంటిపై పడిన దెబ్బలే వైసీపీ సర్వనాశనానికి దారితీస్తాయని మండిపడ్డారు.