మేదరమెట్ల, జూలై 19: ఏడున్నర కోట్ల రూపాయలకు పైగా విలువ కలిగిన సెల్‌ఫోన్లు, సెల్‌ఫోన్ పరికరాలతో ఉన్న లారీ మాయమైన సంఘటన ప్రకాశం జిల్లా మేదరమెట్ల సమీపంలో గురువారం తెల్లవారుజామున జరిగింది. చెన్నై రాష్ట్రం వెల్లూరు జిల్లాకు చెందిన కే.రంగనాథ్ తన సొంత లారీని నడుపుకుంటూ జీవనం సాగిస్తున్నాడు.

విజయవాడ, జూలై 19: రవాణా రంగ సమస్యలు పరిష్కరించాలని శుక్రవారం తెల్లవారుజాము నుంచి దేశవ్యాప్తంగా ప్రారంభమయ్యే లారీల నిరవధిక సమ్మెకు ఆంధ్రప్రదేశ్‌లో రంగం సిద్ధమైంది. అనాది నుంచి కూడా రవాణా రంగంలో ఆంధ్రప్రదేశ్, అందునా కృష్ణా జిల్లా ప్రముఖ పాత్ర పోషిస్తున్నాయి. ఏపీలో భారీ ట్రక్కులు, లారీలు, ట్యాంకర్లు అన్నీ కలిపి దాదాపు 3లక్షల 20 వేలకు పైగా ఉంటే ఒక్క కృష్ణా జిల్లాలోనే 40వేల వరకు ఉన్నాయి.

విశాఖపట్నం, జూలై 19: కేంద్ర, రాష్ట్ర ప్రభుత్వాలపై ప్రజల్లో వ్యతిరేకత పెరిగిందని సీడబ్ల్యుసీ సభ్యుడు, ఏపీ కాంగ్రెస్ పార్టీ వ్యవహారాల ఇన్‌చార్జ్ ఊమెన్ చాందీ అన్నారు. విశాఖ నగరంలోని ఏడు అసెంబ్లీ నియోజకవర్గాల కాంగ్రెస్ పార్టీ నాయకులు, కార్యకర్తల సమావేశం గురువారం ఇక్కడ జరిగింది. ఈ కార్యక్రమంలో ముఖ్య అతిథిగా చాందీ మాట్లాడుతూ టీడీపీ, బీజేపీ, వైసీపీలు ఆంధ్ర ప్రజలను మోసం చేస్తున్నాయని అన్నారు.

భద్రాచలం టౌన్, జూలై 19: చత్తీస్‌గఢ్ రాష్ట్రం తుపాకుల మోతతో దద్దరిల్లింది. బీజాపూర్ - దంతెవాడ జిల్లాల సరిహద్దుల్లో గురువారం ఉదయం జరిగిన భారీ ఎన్‌కౌంటర్‌లో 8మంది మావోయిస్టులు హతమయ్యారు. ఇటీవల మావోయిస్టులు వరుస దుశ్చర్యలకు పాల్పడుతున్న నేపథ్యంలో అదను చూసి భద్రతాబలగాలు వారిని దెబ్బతీశాయి. మృతుల్లో నలుగురు మహిళలు కూడా ఉన్నట్టు పోలీసులు వెల్లడించారు.