అమరావతి, జూలై 6: రాష్ట్రంలో త్వరలో నూతన ఐటీ విధానాన్ని అమలు చేయాలని మంత్రిమండలి నిర్ణయించింది. ముఖ్యమంత్రి చంద్రబాబు అధ్యక్షతన శుక్రవారం జరిగిన కేబినెట్ సమావేశంలో పలు కీలక నిర్ణయాలు తీసుకున్నారు. ఆక్రమిత భూముల్లో నిర్మాణాలను నిర్ణీత గడువుతో క్రమబద్ధీకరించేందుకు మంత్రివర్గం ఆమోదం తెలిపింది. ఆంధ్రప్రదేశ్ ఇన్‌ఫర్మేషన్ టెక్నాలజీ విధానం 2014-2020ను 2018-20గా మార్పుచేస్తూ తీర్మానించింది.

విశాఖపట్నం, జూలై 7: అడ్డూ అదుపులేకుండా బడా పారిశ్రామిక వేత్తలకు ఇష్టానుసారం దోచిపెట్టేందుకు జరుగుతున్న భూ సేకరణను అడ్డుకునేందుకు సంయుక్త కార్యాచరణ (జేఏసీ) నేతృత్వంలో పోరాడాలని జనసేన అధినేత పవన్ కల్యాణ్ అభిప్రాయపడ్డారు. రాష్ట్రంలో ప్రాజెక్టులు, పరిశ్రమలు, సెజ్‌ల పేరిట లక్షలాది ఎకరాలు సేకరిస్తూ రైతులను నిర్వాసితులుగా మారుస్తున్నారని మండిపడ్డారు.

హైదరాబాద్, జూలై 6: మహిళా పారిశ్రామికవేత్తలకు ప్రభుత్వం ప్రోత్సాహం అందిస్తున్నదని, ఈ క్రమంలోనే వారికి ప్రత్యేక ఇండస్ట్రియల్ పార్కులు ఏర్పాటు చేస్తున్నామని రాష్ట్ర ఐటీ, పరిశ్రమలశాఖ మంత్రి కల్వకుంట్ల తారకరామారావు ప్రకటించారు. మూడు ప్రాంతాల్లో 200 ఎకరాలను మహిళా పారిశ్రామికవేత్తలకు కేటాయించామని తెలిపారు.

హైదరాబాద్, జూలై 6: వెనుకబడిన తరగతులు (బీసీ), అత్యంత వెనుకబడిన తరగతుల (ఎంబీసీ) స్వయం ఉపాధికి అవసరమైన వ్యూహాలను రూపొందించాల్సిందిగా ముఖ్యమంత్రి కల్వకుంట్ల చంద్రశేఖర్‌రావు ఆదేశించారు. మంత్రివర్గ ఉప సంఘం చేసిన సిఫారసులపై చర్చించి ప్రభుత్వానికి నివేదిక ఇవ్వడానికి స్పీకర్ మధుసూదనాచారి అధ్యక్షతన సమావేశం కావాలని మంత్రులు, అధికారులను సీఎం ఆదేశించారు.