హైదరాబాద్, మార్చి 15: అనేక ప్రతికూల పరిస్థితులు, అస్పష్టతలు, అనుమానాలు, సవాళ్ల మధ్య ఏర్పడిన తెలంగాణ నూతన రాష్ట్రం అనతికాలంలోనే అనేక విషయాల్లో దేశానికి ఆదర్శంగా నిలిచే స్థాయికి ఎదిగిందని ఆర్ధిక మంత్రి ఈటల రాజేందర్ అన్నారు. 2018-19వ సంవత్సరానికి రూ 1,74,453.83 కోట్ల రూపాయలతో రాష్ట్ర వార్షిక బడ్జెట్‌ను ఆర్ధిక మంత్రి గురువారం శాసనసభలో ప్రవేశపెట్టారు.

అమరావతి, మార్చి 15: ‘ఎన్నారైలు అనగానే డబ్బులు పిండేద్దాం అనుకుంటున్నారు.. ఆ పద్ధతి పోవాలి. మీ నుంచి జనసేన పార్టీకి కావలసింది మేధో సహకారం’ అని జనసేన అధ్యక్షుడు పవన్ కళ్యాణ్ కోరారు. పార్టీ ఎన్నారై విభాగం ఎప్పటికప్పుడు ప్రవాస తెలుగు ప్రజలకి తోడ్పాటుగా ఉంటుందనీ, అలాగే విదేశాల్లో ఉన్న తెలుగువారు రాష్ట్రానికి ఏమి చేయాలో ఆలోచన చేయాలని చెప్పారు.

అమరావతి: కేంద్రం నుంచి బయటకు వచ్చిన తెలుగుదేశం పార్టీ ఇక ఎన్డీయే నుంచీ బయటకు వచ్చేందుకు సిద్ధమవుతోంది. రాష్ట్రంలో తెలుగుదేశం వ్యతిరేక శక్తులను తెరవెనుక నుంచి కూడగట్టి, తనపై ఉసిగొల్పుతున్నందున, ఇంకా ఎన్డీయేలోనే ఉండటం వ్యూహాత్మక తప్పిదమవుతుందని ఆ పార్టీ భావిస్తోంది.

హైదరాబాద్: తెలంగాణ రాష్ట్రం అవతరించిన నాలుగేళ్లలోపలే జిడిపిలో 14.1 శాతం వృద్ధిరేటును సాధించింది. 2016-17లో రాష్ట్ర జిడిపి రూ. 6,41,985 కోట్లు ఉంటే, 2017-18లో ఈ మొత్తం రూ.7,32,657 కోట్లకు చేరుకుంది. జాతీయ జిడిపిలో తెలంగాణ రాష్ట్ర జిడిపి వాటా 2013-14లో 4.02 శాతం ఉంటే, 2017-18లో రాష్ట్ర వాటా 4.37 శాతానికి పెరిగింది.