కాకినాడ: ఆంధ్రప్రదేశ్ రాష్ట్ర టీవీ నాటక రంగ చలనచిత్ర అభివృద్ధి సంస్థ ఆధ్వర్యంలో తూర్పు గోదావరి జిల్లా కేంద్రం కాకినాడలో నిర్వహిస్తున్న నంది నాటకోత్సవంలో భాగంగా మంగళవారం ప్రదర్శించిన రెండు పద్య నాటకాలు ప్రేక్షకుల కరతాళ ధ్వనులు అందుకున్నాయి. ఉదయం 10.30 గంటలకు ఆంధ్ర సంగీత సాహిత్య నృత్య నాటక అకాడమీ ప్రదర్శించిన మోహినీ భస్మాసుర పద్య నాటకం ఆద్యంతం రసవత్తరంగా సాగింది.

హైదరాబాద్, మార్చి 13: తెలంగాణ ముఖ్యమంత్రి కే. చంద్రశేఖర్ రావు ‘మరో చరిత్ర’ సృష్టించారు. ఉభయ సభలనుద్దేశించి గవర్నర్ నరసింహన్ సోమవారం ప్రసంగిస్తున్నప్పుడు అడ్డుకునేందుకు యత్నించిన 11 మంది కాంగ్రెస్ ఎమ్మెల్యేలను సమావేశాలు ముగిసేంతవరకూ సస్పెండ్ చేయించడమే కాకుండా, ఇద్దరు ఎమ్మెల్యేల సభ్యత్వాన్ని రద్దు చేయించారు.

బాపట్ల, మార్చి 13: వైకాపా అధినేత వైఎస్ జగన్మోహనరెడ్డి చేపట్టిన పాదయాత్రకు గుంటూరు జిల్లా బాపట్ల మండలంలో మంగళవారం ప్రజలు బ్రహ్మరథం పట్టారు. అడుగడుగునా జగన్‌కు పూలజల్లులు కురిపించారు. జగన్ తనదైన శైలిలో ఎదురుగా వచ్చిన ప్రతి ఒక్కరినీ దగ్గరకు తీసుకొని ఆప్యాయంగా పలకరించారు. జగన్ రాకకోసం ఎదురుచూస్తున్న మహిళలు వేలాదిగా దారి పొడవునా రోడ్ల మీదికి వచ్చారు.

భద్రాచలం టౌన్/ నర్సంపేట/ భూపాలపల్లి, మార్చి 13: దండకారణ్యం దద్దరిల్లింది. పచ్చటి అడవిలో మరోమారు నెత్తురు చిందింది. బస్తర్‌లోని సుక్మా జిల్లాలో మావోయిస్టులు మంగళవారం మారణహోమం సృష్టించారు. మెరుపుదాడే లక్ష్యంగా మాటు వేసి 9 మంది సీఆర్‌పీఎఫ్ జవాన్లను మట్టుబెట్టారు. సీఆర్‌పీఎఫ్ జవానే్ల లక్ష్యంగా రహదారిపై శక్తివంతమైన మందుపాతర అమర్చిన మావోలు అదునుచూసి పేల్చేశారు.