హైదరాబాద్, జనవరి 30: సరళీకృత వ్యాపారం (ఈజ్ ఆఫ్ బిజినెస్), ఐపాస్ తదితర రంగాల్లో తెలంగాణ రాష్ట్రం దేశంలోనే నెంబర్ వన్ స్థానానికి చేరుకున్నదని రాష్ట్ర ఆర్థిక మంత్రి ఈటెల రాజేందర్ తెలిపారు. సచివాలయంలో మంగళవారం ఆయన మీడియా ప్రతినిధులతో మాట్లాడుతూ, రాష్ట్ర విభజనకు ముందు పూర్తిగా వెనుకబడి ఉన్న తెలంగాణ ఇప్పుడు వేగంగా ముందుకు సాగుతోందని వివరించారు.

విజయవాడ, జనవరి 30: విజయవాడలో భూకబ్జాల పర్వం తీవ్ర కలవరం రేపుతోంది. నగరం నడిబొడ్డున మాచవరంలోని ప్రఖ్యాత ఎస్‌ఆర్‌ఆర్ అండ్ సివిఆర్ ప్రభుత్వ డిగ్రీ కళాశాలకు చెందిన రూ.300 కోట్ల విలువైన 7 ఎకరాల భూమి అన్యాక్రాంతం కావటంతో మంగళవారం కళాశాలకు చెందిన పూర్వ విద్యార్థులు, ప్రస్తుత విద్యార్థులు ఆందోళనకు దిగారు. కబ్జాకు గురైన కళాశాల స్థలంలో నిర్మించిన గోడను విద్యార్థులు పడగొట్టారు.

విజయవాడ, జనవరి 30: లాస్‌ఏంజల్స్‌లో నిర్వహిస్తున్న పెట్టుబడుల రోడ్ షోలో భాగంగా మంగళవారం అక్కడి వివిధ తెలుగు కంపెనీల సీఈవోలతో రాష్ట్ర ఐటీ శాఖ మంత్రి లోకేష్ భేటీ అయ్యారు. అమెరికా పర్యటనలో మంత్రి గత కొద్ది రోజులుగా ఆయన బిజీబిజీగా గడుపుతున్నారు. రాష్ట్రంలో పెట్టుబడులతో పాటు అమెరికా వచ్చే తెలుగు వారికి నైపుణ్య శిక్షణ అందించాలని పిలుపునిచ్చారు.

హైదరాబాద్, జనవరి 30: రైతులకు ఇచ్చే రుణాలను వ్యాపార కోణంలో చూడవద్దని, వారికి అండగా నిలవడమంటే దేశానికి సేవ చేయడమేనని తెలంగాణ ఆర్థిక మంత్రి ఈటల రాజేందర్ అన్నారు. ఇక్కడ మంగళవారం నాబార్డు ఆధ్వర్యంలో జరిగిన ‘స్టేట్ క్రెడిట్ ప్లాన్’ సమావేశంలో మంత్రులు ఈటల రాజేందర్, టి హరీశ్‌రావు పాల్గొన్నారు.