హైదరాబాద్, జనవరి 26: శ్రీరామ్‌సాగర్, నాగార్జునసాగర్, నిజాం సాగర్ పరిధిలో చివరి ఆయకట్టు వరకు సాగునీరు అందాలని నీటిపారుదలశాఖ మంత్రి టి హరీశ్‌రావు ఆదేశించారు. జలసౌధలో శుక్రవారం వివిధ ప్రాజెక్టుల కింద రబీ సీజన్‌కు సాగునీటి సరఫరా క్రమబద్ధీకరణపై అధికారులతో మంత్రి చర్చించారు.

హైదరాబాద్, జనవరి 26: గణతంత్ర వేడుకలు రాష్ట్ర పోలీస్ ప్రధాన కార్యాలయంలో ఘనంగా నిర్వహించారు. నగర పోలీస్ కమిషనర్ కార్యాలయంలోనూ సిబ్బంది గణతంత్ర వేడుకలను జరుపుకున్నారు. డిజిపి కార్యాలయంలో జాతీయ పతాకాన్ని గ్రేహౌండ్స్ ఎస్‌పి ఎం.రమేష్ ఎగురవేశారు. ఈ కార్యక్రమంలో డిజిపి కార్యాలయంలోని పోలీసు అధికారులు, సిబ్బంది పాల్గొన్నారు. బాల బాలికలకు ఈ సందర్భంగా రమేష్ మిఠాయిలు తినిపించారు.

హైదరాబాద్, జనవరి 26: పౌరులు అంతా బాధ్యతలు, విధులు చిత్తశుద్ధితో సక్రమంగా నిర్వహిస్తే భారతదేశం వేగంగా సర్వతోముఖాభివృద్ధి సాధిస్తుందని గణతంత్ర దినోత్సవ సందర్భంగా వివిధ యూనివర్శిటీల్లో జరిగిన కార్యక్రమాల్లో ప్రధాన అతిథులు పేర్కొన్నారు.

హైదరాబాద్, జనవరి 26: ఎందరో త్యాగమూర్తుల ఫలితంగా సాధించుకున్న స్వాతంత్య్ర భారత దేశంలో ప్రతి ఒక్కరూ జాతి అభ్యున్నతికి పాటుపడాలని తెలంగాణ ఆర్టీసి మేనేజింగ్ డైరక్టర్ జివి రమణారావు అన్నారు. ఆనాటి మహనీయుల స్ఫూర్తితో సంస్థ అభ్యున్నతి కోసం అంతా సమన్వయంతో పని చేయాలని అన్నారు.