హైదరాబాద్, నవంబర్ 10: తెలంగాణలో డిసెంబర్ 15 నుంచి 19 వరకు జరగనున్న ప్రపంచ తెలుగు మహాసభల నిర్వహణకు గాను ఆరు ప్రత్యేక కమిటీలను నియమిస్తూ రాష్ట్ర ప్రభుత్వం ఉత్తర్వులు జారీ చేసింది. ఆహ్వాన, సౌకర్యాలు, ఆహార, రవాణా, వేదికల నిర్వహణ, భద్రత కమిటీలను నియమిస్తూ శుక్రవారం ఆ ఉత్తర్వుల్లో స్పష్టం చేసింది.

హైదరాబాద్, నవంబర్ 10: ముఖ్యమంత్రి కె. చంద్రశేఖర్ రావు రైతులకు దేవుడు అని టిఆర్‌ఎస్ ఎమ్మెల్యే వేముల వీరేశం అన్నారు. శుక్రవారం అసెంబ్లీలో రైతు సమన్వయ సమితిల అంశంపై వేముల చర్చను ప్రారంభిస్తూ రైతుల సంక్షేమం, శ్రేయస్సు గురించి కెసిఆర్ ఒక్కరే ఆలోచన చేశారని చెప్పారు. రైతులకు 24 గంటలూ ఉచిత విద్యుత్తు ఇవ్వడాన్ని ప్రారంభించడంతో రైతులే అంత అవసరం లేదని, 8 నుంచి 10 గంటలు చాలని చెబుతున్నారని ఆయన తెలిపారు.

హైదరాబాద్/చాంద్రాయణగుట్ట, నవంబర్ 10: ప్రమాణాలను ఉల్లంఘించిన 194 జూనియర్ కాలేజీలకు షోకాజ్ నోటీసు జారీచేసినట్లు ఉపముఖ్యమంత్రి కడియం శ్రీహరి శాసనమండలిలో ప్రకటించారు. శాసనమండలిలో శుక్రవారం ఉదయం నిర్వహించిన ప్రశ్నోత్తరాల సమయంలో ఆధికార పార్టీ, ప్రతిపక్ష పార్టీ సభ్యులు రాష్ట్రంలో విద్యార్థుల ఆత్మహత్యలు అన్న ఆంశంపై దాదాపు 45 నిమిశాల పాటు చర్చించారు.

హైదరాబాద్, నవంబర్ 10: వరుస కీలక సదస్సులతో హైదరాబాద్ నగరం అంతర్జాతీయ దృష్టిని ఆకర్షిస్తోంది. గత ఏడాదిగా ఎన్నో సదస్సులకు వేదికైన హైదరాబాద్ రానున్న రోజుల్లో కూడా అత్యంత ప్రాధాన్యత ఉన్న సదస్సులకు వేదిక కాబోతోంది. ప్రపంచంలో కీలకమైన వరల్డ్ ఐటి కాంగ్రెస్ హైదరాబాద్‌లో జరగనుంది. ఈ సదస్సు ఫిబ్రవరి 19 నుండి మూడు రోజుల పాటు హైదరాబాద్ హైటెక్స్‌లో జరుగుతుంది.