హైదరాబాద్, మే 2: వచ్చే విద్యా సంవత్సరం నుండి ప్రభుత్వ పాఠశాలలు సమర్ధవంతంగా పనిచేసేలా పలు సంస్కరణలకు శ్రీకారం చుడుతున్నట్టు ఉప ముఖ్యమంత్రి కడియం శ్రీహరి చెప్పారు. ప్రభుత్వ పాఠశాలలను పటిష్టం చేయడమేగాక, డిమాండ్ మేరకు కొత్త స్కూళ్లను కూడా ప్రారంభించేందుకు చర్యలు తీసుకుంటున్నామని అన్నారు. విద్యాశాఖకు కావల్సిన నిధులను కేంద్రం నుండి వీలైనంత ఎక్కువగా తీసుకువచ్చేందుకు ప్రణాళికలు రూపొందిస్తామని అన్నారు.

హైదరాబాద్, మే 2: తెలంగాణ ప్రాంత పర్యాటక ప్రదేశాల చిత్రాలతో అలకరించిన విమానాన్ని శంషాబాద్ విమానాశ్రయంలో మంగళవారం పర్యాటకశాఖ మంత్రి చందూలాల్ ప్రారంభించారు. తెలంగాణ పర్యాటక ప్రాంతాలకు ప్రపంచవ్యాప్తంగా ప్రచారం కల్పించడానికి స్పైస్ జెట్ విమాన సంస్థతో రాష్ట్ర ప్రభుత్వం ఒప్పందం చేసుకుంది.

హైదరాబాద్, మే 2: ఎత్తు తక్కువగా ఉన్నారనే కారణంపై కారుణ్య నియామకల విధానంలో ఒక మహిళకు టిఎస్‌ఆర్టీసి ఉద్యోగం ఇవ్వకపోవడం తప్పని హైకోర్టు తీర్పు ఇచ్చింది. తమకు కారుణ్య నియామకాల కింద టిఎస్‌ఆర్టీసి ఉద్యోగాలు ఇవ్వడం లేదంటూ బి అన్నపూర్ణ, మరో ఇద్దరు దాఖలు చేసిన పిటిషన్‌ను హైకోర్టు న్యాయమూర్తి జస్టిస్ పి నవీన్ రావు విచారించారు.

హైదరాబాద్, మే 2: దక్షిణ మధ్య రైల్వే చీఫ్ కమర్షియల్ మేనేజర్‌గా ఎంజి శేఖరమ్ సోమవారం పదవీ బాధ్యతలు స్వీకరించారు. 1986 బ్యాచ్‌కు చెందిన శేఖరమ్ భారత రైల్వే ట్రాఫిక్ సర్వీసు, చీఫ్ కమర్షియల్ మేనేజర్ (ఫ్రైట్ సర్వీసులు)గా పనిచేశారు. సేఫ్టీ, కమర్షియల్ విభాగాల్లో విశిష్ట సేవలందించిన ఆయన 1990లో చెన్నై, మధురై, హుబ్లి, గుంతకల్లులో పనిచేశారు.