నల్లగొండ, మార్చి 23: నాగార్జున సాగర్ జలాశయం నీటిమట్టం డెడ్ స్టోరేజీ (510 అడుగులు) కంటే దిగువకు చేరింది. ఉభయ తెలుగు రాష్ట్రాలకూ ఇది చేదు వార్తే. జలాశయం పూర్తి నీటి మట్టం 590 అడుగుల కాగా గురువారం నాటికి 509.70 అడుగులకు పడిపోయింది. ఇక ఆశలన్నీ శ్రీశైలం రిజర్వాయర్‌పైనే. శ్రీశైలం పూర్తి నీటిమట్టం 885 అడుగులకు గాను ప్రస్తుతం 812.20 అడుగుల మేర నీళ్లు ఉన్నాయి.

హైదరాబాద్/ ఖైరతాబాద్, మార్చి 23: ప్రభుత్వం ఎన్ని అడ్డంకులు సృష్టించినా మతపరమైన రిజర్వేషన్లకు వ్యతిరేకంగా అసెంబ్లీ ముట్టడి చేసి తీరుతామని బిజెపి ఎమ్మెల్యే లక్ష్మణ్ అన్నారు. రాజ్యాంగ విరుద్దంగా టిఆర్‌ఎస్ ప్రభుత్వం ముస్లింలకు 12శాతం రిజర్వేషన్లను కట్టబెట్టాలని చూస్తోందని మండిపడ్డారు.

హైదరాబాద్, మార్చి 23: రానున్న ఐపిఎల్ మ్యాచ్‌లను దృష్టిలో పెట్టుకుని హైదరాబాద్ క్రికెట్ అసోసియేషన్ (హెచ్‌సిఎ) వ్యవహారాల పర్యవేక్షణకు ఇద్దరు మాజీ న్యాయమూర్తులతో కూడిన కమిటీని నియమిస్తూ హైకోర్టు గురువారం ఆదేశాలు జారీ చేసింది. సుప్రీం కోర్టు రిటైర్డు న్యాయమూర్తి జస్టిస్ అనిల్ ఆర్ దావే, హైకోర్టురిటైర్డు జడ్జి జస్టిస్ జివి సీతాపతిని నియమించినట్లు హైకోర్టు ధర్మాసనం ప్రకటించింది.

హైదరాబాద్, మార్చి 23: గర్భిణీలకు ప్రత్యేక ప్రోత్సాహకాలను వాటితో పాటు కెసిఆర్ పేరిట కిట్‌లను అందిస్తున్నామని వైద్య ఆరోగ్య మంత్రి డాక్టర్ లక్ష్మారెడ్డి చెప్పారు. గురువారం నాడు శాసనసభలో వివిధ పద్దుల కింద జరిగిన చర్చకు మంత్రి బదులిస్తూ, రాష్ట్రంలో ఆస్పత్రుల ముఖచిత్రాన్ని మార్చేశామని, ఔషధాలకు 300 కోట్లు కేటాయించామని అన్నారు.