హైదరాబాద్, మార్చి 12: హోలీ పండుగ పలు కుటుంబాల్లో విషాదం మిగిల్చింది. తెలంగాణ రాష్ట్ర వ్యాప్తంగా పలు చోట్ల 13 మంది మృతి చెందారు. ఆదివారం హోలీ పండుగలో రంగులు చల్లుకుని కేరింతలు కొట్టిన యువత, అనంతరం స్నానాల కోసం చెరువుల్లో దిగి మృత్యువాతపడ్డారు. హైదరాబాద్ శివారులోని గండిపేట చెరువులో మునిగి ఇద్దరు మృతి చెందగా, మిగిలిన వారు ఇతర చోట్ల మృతి చెందారు.

హైదరాబాద్, మార్చి 12: నిజామాబాద్ ఎంపి కల్వకుంట్ల కవిత జన్మదినం సందర్భంగా ఒడిశాలోని పూరీలో ఆమె సైకత శిల్పం రూపొందించారు. కవితకు జన్మదిన శుభాకాంక్షలు తెలుపుతూ దీన్ని రూపొందించారు. కవిత సైకత శిల్పం పక్కన హ్యాపీ బర్త్‌డే కవితా జీ అని రాశారు. తెలంగాణ జాగృతి పేరుతో తెలంగాణ జాగృతి వరంగల్ అర్బన్ అధ్యక్షుడు కొరబోయిన విజయ్ ఈ సైకత శిల్పాన్ని ఏర్పాటు చేయించారు.

హైదరాబాద్, మార్చి 12: నంద్యాల ఎమ్మెల్యే భూమా నాగిరెడ్డి మృతికి తెలంగాణ ముఖ్యమంత్రి కల్వకుంట్ల చంద్రశేఖర్‌రావు సంతాపం వ్యక్తం చేశారు. ఉప ముఖ్యమంత్రి కడియం శ్రీహరి నంద్యాల వెళ్లి భూమా నాగిరెడ్డి భౌతికకాయం వద్ద నివాళి అర్పించారు. మంత్రులు పోచారం శ్రీనివాస్‌రెడ్డి, పట్నం మహేందర్‌రెడ్డి భూమానాగిరెడ్డికి మృతికి సంతాపం తెలిపారు.

హైదరాబాద్, మార్చి 12: వచ్చే ఆర్ధిక సంవత్సరానికి విద్యుత్ రంగానికి ప్రభుత్వం ఇచ్చే సబ్సిడీపై విద్యుత్ రంగం, ప్రజా సంఘాల్లో ఉత్కంఠ నెలకొంది.
రాష్ట్రప్రభుత్వం ఐదు వేల కోట్ల రూపాయల వరకు విద్యుత్ సబ్సిడీ ఇచ్చినా విద్యుత్ చార్జీల మోత తప్పని పరిస్ధితులు నెలకొన్నాయి. తెలంగాణ డిస్కాంలు ఇంతవరకు వచ్చే ఆర్ధిక సంవత్సరం 2017-18కి సంబంధించి విద్యుత్ టారిఫ్ ప్రతిపాదనలు ఇవ్వలేదు.