నల్లగొండ, మార్చి 6: యాదాద్రి లక్ష్మీనరసింహస్వామి బ్రహ్మోత్సవాల్లో స్వామివారి తిరుకల్యాణోత్సవం, వైభవోత్సవ కల్యాణోత్సవాలు సోమవారం వైష్ణవ పంచరాత్ర ఆగమశాస్త్రానుసారం సంప్రదాయబద్ధంగా వేద మంత్రోచ్ఛరణల మధ్య వైభవంగా నిర్వహించారు.

హైదరాబాద్, మార్చి 6: రాష్ట్రంలో ఈసారి కంది పంట బాగా పండిందని, కందుల కొనుగోలు నిలిపివేయవద్దని ఎఫ్‌సిఐ ఎండిని మార్కెటింగ్ శాఖ మంత్రి తన్నీరు హరీశ్‌రావు కోరారు. ఎఫ్‌సిఐ ఎండి త్రిపాఠికి హరీశ్‌రావు సోమవారం ఫోన్ చేసి రాష్ట్రంలో కందుల దిగుబడిని వివరించారు. ఈ సారి పంట బాగా పండిందని, దిగుబడి ఎక్కువగా వచ్చిందని చెప్పారు. ఎఫ్‌సిఐ కొనుగోలు కేంద్రాలను అర్ధాంతరంగా మూసివేసే ఆలోచన మానుకోవాలని చెప్పారు.

హైదరాబాద్, మార్చి 6: తెలంగాణ సర్వశ్రేయోనిధి (సిజిఎఫ్) నుండి 2017-18 సంవత్సరానికి వివిధ పనులకోసం 65 కోట్ల రూపాయలు కేటాయించాలని సిజిఎఫ్ కమిటీ నిర్ణయించింది. ఎండోమెంట్స్ మంత్రి ఇంద్రకరణ్‌రెడ్డి అధ్యక్షతన సిజిఎఫ్ కమిటీ సోమవారం ఇక్కడి దేవాదాయ శాఖ కార్యాలయం (్ధర్మిక భవన్) లో సమావేశమై వివిధ తీర్మానాలను చేసింది.

హైదరాబాద్, మార్చి 6: ఆర్మూర్- ఆదిలాబాద్‌ల మధ్య రైల్వే పనులు త్వరలోనే ప్రారంభం కానున్నాయి. ఈ ప్రాజెక్టుకు సబంధించి కేంద్ర రాష్ట్ర ప్రభుత్వాల మధ్య త్వరలోనే అవగాహనా ఒప్పందం కుదురుతుందని, ఆ వెంటనే పనులు ప్రారంభం అవుతాయని రైల్వే జిఎం వెల్లడించారు. పనులు ప్రారంభించిన మూడేళ్లలో పూర్తవుతాయి. ఆర్మూర్- ఆదిలాబాద్‌ను హైదరాబాద్‌తో అనుసంధానించే ఈ ప్రాజెక్టు కోసం ప్రజలు చాలా కాలం నుంచి ఎదురు చూస్తున్నారు.